Thursday, March 28, 2024
spot_img

ഇരട്ട നേട്ടമുണ്ടാക്കുന്ന ഇരട്ട എന്‍ജിന്‍ സര്‍ക്കാര്‍;ഉത്തര്‍പ്രദേശിലെ യോഗി സർക്കാരിനെ വാനോളം പുകഴ്ത്തി പ്രധാനമന്ത്രി മോദി

ഇരട്ട നേട്ടമുണ്ടാക്കുന്ന ഇരട്ട എന്‍ജിന്‍ സര്‍ക്കാര്‍;ഉത്തര്‍പ്രദേശിലെ യോഗി സർക്കാരിനെ വാനോളം പുകഴ്ത്തി പ്രധാനമന്ത്രി മോദി

അലിഗഡ്: അടുത്ത വര്‍ഷം നിയമസഭാ തിരഞ്ഞെടുപ്പ് നടക്കാനിരിക്കേ ഉത്തര്‍പ്രദേശ് സര്‍ക്കാരിനെ പ്രകീര്‍ത്തിച്ച് പ്രധാനമന്ത്രി നരേന്ദ്ര മോദി. ‘ഇരട്ട നേട്ടമുണ്ടാക്കുന്ന ഇരട്ട എന്‍ജിന്‍ സര്‍ക്കാര്‍’ എന്നാണ് മോദിയുടെ പുകഴ്ത്തല്‍. രാജ്യത്തിന്റെ വികസനത്തിന് വലിയ വിഘാതം നിലനില്‍ക്കുന്ന ഈ ഘട്ടത്തിലും യു.പിയുടെ പ്രവര്‍ത്തനങ്ങള്‍ തനിക്ക് ഏറെ സംതൃപ്തി നല്‍കുന്നു. ഇത് രാജ്യത്തിന്റെ വികസന പ്രചാരണത്തിലേക്ക് നയിക്കുന്നുവെന്നും മോദി പറഞ്ഞു. അലിഗഡില്‍ രാജാ മഹേന്ദ്ര പ്രതാപ് സിംഗ് സ്‌റ്റേറ്റ് യൂണിവേഴ്‌സിറ്റിയുടെ ശിലാസ്ഥാപന ചടങ്ങില്‍ സംസാരിക്കുകയായിരുന്നു അദ്ദേഹം.

ദേശീയ-രാജ്യാന്തര നിക്ഷേപകരുടെ ഇഷ്ടകേന്ദ്രമായി യു.പി മാറിയെന്നും ബി.ജെ.പി സര്‍ക്കാരിന്റെ നേട്ടങ്ങള്‍ ചൂണ്ടിക്കാട്ടി മോദി പറഞ്ഞു. അനുകൂലമായ സാഹചര്യം വന്നതോടെയാണ് ഇത് സാധ്യമായത്. അവശ്യമായ വിഭവങ്ങളും നല്‍കി. ഇന്ന് ഉത്തര്‍പ്രദേശ് ‘ഇരട്ട നേട്ടം കൊയ്യുന്ന ഇരട്ട എന്‍ജിന്‍ സര്‍ക്കാരിന്റെ’ തിളക്കമാര്‍ന്ന ഉദാഹരണമാണെന്നും മോദി പറഞ്ഞു. മുന്‍പ് ഗുണ്ടകളായിരുന്നു നാട് ഭരിച്ചിരുന്നത്. ഇന്ന് എല്ലാ കൊള്ളക്കാരും മാഫിയ തലവന്മാരും അഴിക്കുള്ളിലായി.

സംസ്ഥാനം കണ്ട കുംഭകോണങ്ങള്‍ ജനങ്ങള്‍ക്ക് മറക്കാന്‍ കഴിയില്ല. എങ്ങനെയാണ് അഴിമതിക്കാരെ സുപ്രധാന പദവികളിലേക്ക് തിരഞ്ഞെടുക്കാന്‍ കഴിയുകയെന്നും മോദി ചോദിച്ചു.

Related Articles

Latest Articles