റഷ്യ-യുക്രൈന് യുദ്ധത്തിന്റെ പശ്ചാത്തലത്തില് നിർണ്ണായക നീക്കവുമായി ഭാരത പ്രധാനമന്ത്രി നരേന്ദ്ര മോദി. റഷ്യന് പ്രസിഡന്റ് വ്ളാഡിമര് പുടിനുമായി ഇന്ന് രാത്രി അദ്ദേഹം ആശയവിനിമയം നടത്തും.
തുടർന്ന് യുക്രൈന് ആക്രമണവുമായി ബന്ധപ്പെട്ട ഇന്ത്യന് നിലപാട് മോദി പുടിനോട് വിശദീകരിക്കും. ഇന്ത്യന് പൗരന്മാരുടെ നാട്ടിലേക്കുള്ള മടക്കം ഉള്പ്പടെയുള്ള വിഷയങ്ങള് ചര്ച്ചയാകും. റഷ്യ തന്നെയാണ് ഇത്തരത്തിലുള്ള ചര്ച്ച വേണമെന്ന് ഇന്ത്യയോട് ആവശ്യപ്പെട്ടത്.
അതേസമയം റഷ്യയെ തൊട്ടാല് ഇതുവരെ കാണാത്ത പ്രത്യാഘാതം നേരിടേണ്ടിവരുമെന്ന് ലോകരാജ്യങ്ങള്ക്ക് മുന്നറിയിപ്പ് നല്കിയിരിക്കുകയാണ് പുടിന്. റഷ്യന് അധിനിവേശം ചര്ച്ച ചെയ്യാന് പ്രത്യേക യുഎന് പ്രതിനിധി സഭ വിളിക്കണമെന്നാണ് യുക്രൈന്റെ ആവശ്യം. എന്നാൽ ആണവ ശക്തിയായ റഷ്യ തങ്ങളെ നശിപ്പിക്കുന്നുവെന്നും അധിനിവേശം നടത്തുന്നവരെ യുഎന് തടയണമെന്നും യുക്രൈന് ആവശ്യപ്പെടുന്നുണ്ട്.
