ദുബായ്: എക്സ്പോയിലെ ഇന്ത്യന് പവിലിയനില് നിറങ്ങളില് നൃത്യ ചാരുതയാര്ന്ന് നവരാത്രി ആഘോഷം. 2020 ല് കോവിഡ് മൂലം തടസപ്പെട്ട ആഘോഷമാണ് ഇത്തവണ വൻ ഗംഭീരമായി ആഘോഷിക്കപ്പെടുന്നത്.
ദുബായ് എക്സ്പോയില് ഇന്ത്യന് പവിലിയനില് ശ്രദ്ധേയമായ ആഘോഷമായിരുന്നു ഇത്. ഗുജാറാത്തില് നിന്നുള്ള കലാകാരന്മാരാണ് പ്രധാനമായും വിവിധ ഉത്തരേന്ത്യന് ആവിഷ്കാരങ്ങളുമായി പവിലിയനിലെ വേദിയിലെത്തിയത്.
സ്ത്രീകളും പെണ്കുട്ടികളും അവതരിപ്പിച്ച ‘ഗര്ബ’ പരമ്പരാഗത നൃത്തമാണ് കാണികളെ വളരെയധികം ആകര്ഷിച്ചത്.
വ്യത്യസ്ത വര്ണങ്ങളിലുള്ള വസ്ത്രങ്ങള് ധരിച്ചെത്തിയ കലാകാരന്മാര്ക്കൊപ്പം കാണികളും നൃത്തത്തിന്റെ ഭാഗമായി എന്നുള്ളതാണ് നവരാത്രി ആഘോഷത്തെ കൂടുതൽ ഭംഗിയാക്കിയത്. നവരാത്രിയുടെ 9 ദിനങ്ങളിലും വിവിധങ്ങളായ പരിപാടികള് ആസൂത്രണം ചെയ്തിട്ടുള്ളത്.
ഒക്ടോബറിലെ ആദ്യ രണ്ട് ആഴ്ചകളില് ഗുജറാത്ത് സംസ്ഥാനത്തെ കേന്ദ്രീകരിച്ചുള്ള പരിപാടികളാണ് പവിലിയനില് നടക്കുന്നത്. അതിനാല് ഗുജറാത്തികളായ പ്രവാസികളാണ് കൂടുതലായും കാണികളായി അവിടെ എത്തുന്നത്.