വലിയതുറ പാലത്തിന് സമീപം നവജാത ശിശുവിന്റെ മൃതദേഹം കണ്ടെത്തി; കൊലപാതകമെന്ന് സംശയം

വലിയതുറ: തിരുവനന്തപുരം വലിയതുറയിൽ നവജാത ശിശു മരിച്ച നിലയിൽ കണ്ടെത്തി (Child Deadbody Found).
വലിയതുറ പാലത്തിനടുത്തുള്ള ഗോഡൗണിനു സമീപമാണ് കുഞ്ഞിൻ്റെ മൃതദേഹം കണ്ടെത്തിയത്.
നാട്ടുകാരാണ് മൃതദേഹം കണ്ടെത്തിയത്.

ഇവർ വിവരമറിയിച്ചതിനെ തുടർന്ന് പോലീസ് സ്ഥലത്തെത്തി മൃതദേഹം തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് മാറ്റി. ഇത് ആരുടെ കുഞ്ഞാണെന്നോ എന്തിനാണ് ഇവിടെ ഉപേക്ഷിച്ചതെന്നോ വ്യക്തമല്ല. സംഭവത്തിൽ വലിയതുറ പോലീസ് കേസെടുത്ത് അന്വേഷണം ആരംഭിച്ചു. എന്നാൽ കുഞ്ഞിനെ കൊന്ന ശേഷം ഉപേക്ഷിച്ചതാകാമെന്നാണ് പോലീസ് നിഗമനം. സമീപപ്രദേശത്തുള്ള ആശുപത്രികളിലുൾപ്പെടെ പോലീസ് അന്വേഷണം നടത്തിക്കൊണ്ടിരിക്കുകയാണ്.