ദില്ലി : ഇന്ത്യയുമായി വ്യാപാരബന്ധം വിച്ഛേദിച്ച പാകിസ്ഥാന്‍റെ തീരുമാനം അവര്‍ക്ക് തന്നെ തിരിച്ചടിയും പ്രതിസന്ധിയും സൃഷ്ടിക്കുമെന്ന് വിദഗ്ധര്‍.
വ്യാപാരത്തിനുള്ള ഉത്പന്നങ്ങള്‍ക്കായി പാക്കിസ്ഥാന് ഇന്ത്യയെയാണ് ആശ്രയിക്കുന്നതെന്നിരിക്കെ ഈ തീരുമാനം അവര്‍ക്ക് കോടികളുടെ ബാദ്ധ്യത വരുത്തിവയ്ക്കും . കയറ്റുമതിയുടെ കാര്യത്തില്‍ ദുര്‍ബ്ബലമാണെന്നതിനാല്‍ പ്രതിസന്ധി മറികടക്കാന്‍ പുതിയ വഴികള്‍ പാകിസ്ഥാന് തേടേണ്ടി വരുമെന്നും വിദഗ്ധര്‍ ചൂണ്ടികാണിക്കുന്നു.
ജൈവവളങ്ങള്‍, പരുത്തി, പ്ലാസ്റ്റിക്, ചായങ്ങള്‍ തുടങ്ങിയ ഉല്‍പന്നങ്ങള്‍ക്ക് ദക്ഷിണേഷ്യന്‍ രാജ്യങ്ങളില്‍ വലിയ പ്രിയമായതിനാല്‍ ഇന്ത്യയ്ക്ക് പുതിയ വിപണി കണ്ടെത്തുക ബുദ്ധിമുട്ടുള്ള കാര്യമല്ല. എന്നാല്‍ ഇതിനായി പാക്കിസ്ഥാന് ഇന്ത്യയുടെ ഉപഭോക്തൃ രാജ്യങ്ങളെ ആശ്രയിക്കണം. ഇന്ത്യയില്‍ നിന്ന് നേരിട്ട് ഇറക്കുമതി ചെയ്തിരുന്ന ഈ വസ്തുക്കള്‍ പാക്കിസ്ഥാന് ഇനി മറ്റുള്ളവരില്‍ നിന്ന് ഇരട്ടി വില കൊടുത്ത് വാങ്ങേണ്ടിവരും. ഇത് അവരുടെ സാമ്പത്തിക പ്രതിസന്ധി രൂക്ഷമാക്കുന്നതിന് കാരണമാകുമെന്നാണ് സാന്പത്തിക വിദഗ്ദരുടെ പക്ഷം.
കഴിഞ്ഞ ആറ് മാസമായി ഭാഗികമായി കച്ചവടം നിര്‍ത്തിവച്ചിരിക്കുന്നതിനാല്‍ പാക്കിസ്ഥാന്‍റെ സാമ്പത്തിക വളര്‍ച്ചയെ കാര്യമായി ബാധിച്ചിട്ടുണ്ട്. അനുദിനം സാമ്പത്തിക സ്ഥിതി താഴേയ്ക്ക് നീങ്ങുന്നതിനാല്‍ തന്നെ ഇന്ധന വില വര്‍ദ്ധിപ്പിക്കേണ്ട അവസ്ഥയിലാണ് പാകിസ്ഥാന്.
രാഷ്ട്രീയ താല്‍പര്യങ്ങള്‍ മുന്‍നിര്‍ത്തിയുള്ള പാക്കിസ്ഥാന്‍റെ തീരുമാനം ആഗോള വ്യാപാര നിയമങ്ങള്‍ ലംഘിച്ചിരിക്കുകയാണ്. ഇന്ത്യന്‍ വ്യാപാരമേഖലയുടെ സ്വാധീനം ലോകരാഷ്ട്രങ്ങള്‍ക്കിടയിലും വര്‍ധിച്ചു വരുന്ന സാഹചര്യവും പാകിസ്ഥാന് തലവേദനയുണ്ടാക്കുന്നുണ്ട്. വ്യാപാരത്തിനായി പാകിസ്ഥാന് ദുബായിയുമായി ബന്ധപ്പെട്ടെന്നാണ് സൂചന. എന്നാല്‍ ഇന്ത്യയും ദുബായിയും തമ്മിലുള്ള വ്യാപാരബന്ധം മികച്ചതാണെന്നത് പാക്കിസ്ഥാന് തിരിച്ചടിയാകും. ഏകപക്ഷിയമായ തീരുമാനമായതു കൊണ്ട് നഷ്ടവും ഏകപക്ഷീയമായിരിക്കുമെന്ന് ടി പി സി ഐ ചെയര്‍മാന്‍ മോഹിത് സിംഗ്ല അഭിപ്രായപ്പെട്ടു.
പാക്കിസ്ഥാന് അശ്രയിച്ചിരുന്ന ചൈനയാകട്ടെ അമേരിക്കയുമായുള്ള വ്യാപാര യുദ്ധത്തെ തുടര്‍ന്ന തിരിച്ചടി നേരിടുകയാണ്. മാത്രമല്ല, വ്യാപാരമേഖലയില്‍ ഇന്ത്യന്‍ വിപണിയാണ് ചൈനയ്ക്ക് ഏറെ ഗുണം ചെയ്യുക. അതുകൊണ്ടു തന്നെ ചൈന പാകിസ്ഥാനെ എത്രത്തോളം സഹായിക്കുമെന്ന കാര്യവും കണ്ടറിയേണ്ടതാണ്.
തിരുവനന്തപുരം : തിരുവനന്തപുരം കോര്‍പറേഷന്‍ ബി.ജെ.പി കൗണ്‍സിലര്‍ ആര്‍. ശ്രീലേഖ രാജിവെക്കാന്‍ തീരുമാനിച്ചത് ആരോഗ്യപ്രശ്‌നങ്ങള്‍ മൂലമാണെന്ന് ബി.ജെ.പി സംസ്ഥാന അധ്യക്ഷന്‍…
കൊച്ചിയില്‍ ജോലിയന്വേഷിച്ചെത്തിയ ദളിത് യുവതിയെ പൂട്ടിയിട്ട് മയക്കുമരുന്ന് നല്‍കി കൂട്ടബലാത്സംഗത്തിനിരയാക്കിയ സംഭവത്തില്‍ ഞെട്ടിയ്ക്കുന്ന വെളിപ്പെടുത്തലുകളുമായി ഭര്‍ത്താവ്. സ്ത്രീകള്‍ അടങ്ങുന്ന സംഘമാണ്…
തിരുവനന്തപുരത്ത് ആരോഗ്യ മന്ത്രി കെ. മുരളീധരനും വകുപ്പ് സെക്രട്ടറിയും തമ്മിലുള്ള അഭിപ്രായവ്യത്യാസങ്ങള്‍ കടുക്കുന്നു. സെക്രട്ടറിയുമായുള്ള കടുത്ത അതൃപ്തി മന്ത്രി മുഖ്യമന്ത്രി…
ഡല്‍ഹി : കരിങ്കടലില്‍ വാണിജ്യ കപ്പലിന് നേരെ റഷ്യ നടത്തിയ ഡ്രോണ്‍ ആക്രമണത്തെ ശക്തമായി അപലപിച്ച് ഇന്ത്യ. കപ്പലുകള്‍ക്ക് നേരെയുള്ള…
ഇസ്താംബൂള്‍ : കരിങ്കടലില്‍ ധാന്യങ്ങളുമായി സഞ്ചരിക്കുകയായിരുന്ന ചരക്കുകപ്പലിനുനേരെ ഡ്രോണ്‍ ആക്രമണം. ആക്രമണത്തില്‍ തീപിടിച്ച കപ്പല്‍ പിന്നീട് സമുദ്രത്തില്‍ മുങ്ങി. കപ്പലിന്റെ…
സൂപ്പര്‍സ്റ്റാര്‍ രജനീകാന്ത് ആരാധകര്‍ ആവേശത്തോടെ കാത്തിരിക്കുന്ന 'ജയിലര്‍ 2' ചിത്രത്തിന്റെ ഔദ്യോഗിക ട്രെയിലര്‍ പുറത്തുവന്നു. മുന്‍ ചിത്രമായ 'ജയിലറി'ന്റെ വന്‍…