ഇടുക്കി: രാജാക്കാട് തിങ്കൾക്കാട്ടിൽ കാറിനുള്ളിൽ അഞ്ചു വയസ്സുകാരിയെ മരിച്ച നിലയിൽ കണ്ടെത്തി. അന്യസംസ്ഥാനത്തൊഴിലാളികളുടെ മകളായ കൽപ്പന എന്ന കുട്ടിയാണ് മരിച്ചത്. മാതാപിതാക്കൾ കുട്ടിയെ കാറിൽ ഇരുത്തിയ ശേഷം തോട്ടത്തിൽ ജോലിക്ക് പോയതായിരുന്നു. ഉച്ചയോടെ കുട്ടി അവശനിലയിലായതിനെത്തുടർന്ന് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
ഇന്ന് രാവിലെ തോട്ടം മുതലാളിയുടെ കാറിലായിരുന്നു ഇവർ ജോലിസ്ഥലത്തെത്തിയത്. കുട്ടിയ വാഹനത്തില് ഇരുത്തിയ ശേഷം കൃഷിയിടത്തിലേക്ക് പോയ മാതാപിതാക്കള് ഉച്ചയ്ക്ക് ശേഷമാണ് ജോലികഴിഞ്ഞ് തിരികെയെത്തിയത്. ആ സമയത്ത് കല്പനയെ വാഹനത്തിനുള്ളില് ബോധരഹിതയായ നിലയില് കണ്ടെത്തുകയായിരുന്നു. ഉടന് ഇതേ വാഹനത്തില് കുട്ടിയെ രാജാക്കാട്ടെ ആശുപത്രിയിലെത്തിച്ചു.
വാഹനത്തിന്റെ വിന്ഡോകള് അടച്ചിരുന്നോ എന്നതു സംബന്ധിച്ച് വിവരമില്ല. പോസ്റ്റുമോര്ട്ടത്തിനു ശേഷമേ മരണകാരണം വ്യക്തമാകൂ. മൃതദേഹം പോസ്റ്റ്മോർട്ടത്തിനായി ഇടുക്കി മെഡിക്കൽ കോളേജിലേക്ക് മാറ്റി. ശക്തമായ പനിയെത്തുടര്ന്ന് കുട്ടിക്ക് മാതാപിതാക്കള് കഴിഞ്ഞ ദിവസം മരുന്ന് നല്കിയിരുന്നു. മരണത്തിൽ ഇതുമായി ബന്ധപ്പെട്ട എന്തെങ്കിലും കാരണങ്ങളുണ്ടോ എന്നും അന്വേഷിക്കും. ഉടുമ്പന്ചോല പോലീസാണ് കേസ് അന്വേഷിക്കുന്നത്.
