പാചക വാതകം ഉൾപ്പെടെയുള്ള പെട്രോളിയം ഉത്പന്നങ്ങളുടെ നീക്കം ഇനി ഓട്ടോ റിക്ഷ ഉൾപ്പെടെയുള്ള ടാക്സി വാഹനങ്ങളിലോ സ്വകാര്യ വാഹനങ്ങളിലോ അനുവദിക്കില്ല. പെട്രോളിയം ആൻഡ് എക്സ്പ്ലോസീവ് സേഫ്റ്റി ഓർഗനൈസേഷൻ(പെസോ) ഇതുസംബന്ധിച്ച 2002ലെ നിയമം കർശനമാക്കി
ഇതോടെ സ്വന്തം വീട്ടിലേക്ക് എൽപിജി സിലിണ്ടറുകൾ സ്വന്തം വാഹനത്തിൽ കൊണ്ടുപോയാലും നടപടിയുണ്ടാകും. വാഹനത്തിലെ ഇന്ധനം തീർന്ന് വഴിയിൽ കുടുങ്ങിയാൽ പോലും കുപ്പിയുമായി ചെന്നാൽ പമ്പുകളിൽ നിന്ന് ഇന്ധനം ലഭിക്കില്ല. യാത്രക്കാരുമായി വന്ന് ബസുകൾ പമ്പിൽ നിന്ന് ഇന്ധനം നിറയ്ക്കുന്ന രീതിയും അവസാനിക്കും. എലത്തൂർ ട്രെയിൻ തീവെപ്പ് സംഭവത്തിന്റെ പശ്ചാത്തലത്തിലാണ് കർശന നിർദേശം .
