തിരുവനന്തപുരം: യൂണിവേഴ്സിറ്റി കോളജിലെ എസ്എഫ്ഐ നടത്തിയ അക്രമത്തിൽ പ്രതികരണവുമായി മുഖ്യമന്ത്രി പിണറായി വിജയൻ. ഒരു കാരണവശാലും ഒരു കലാലയത്തിൽ നടക്കാൻ പാടില്ലാത്ത സംഭവമാണ് നടന്നിട്ടുള്ളതെന്നും വിഷയവുമായി ബന്ധപ്പെട്ട് സർക്കാർ ശക്തമായ നടപടികളിലേക്ക് നീങ്ങുമെന്നും മുഖ്യമന്ത്രി വാർത്താസമ്മേളനത്തിൽ ഉറപ്പ് നൽകി.
സര്ക്കാര് ശക്തമായ നടപടികളാണ് സ്വീകരിച്ചുവരുന്നത്. ഒരു തരത്തിലുള്ള ലാഘവത്വവും സര്ക്കാരിന്റെ നടപടകളില് ഉണ്ടാവില്ല. ഇപ്പോള്ത്തന്നെ എല്ലാവര്ക്കും ഇക്കാര്യം ബോധ്യപ്പെട്ടിട്ടുണ്ടാകുമെന്നും മുഖ്യമന്ത്രി വ്യക്തമാക്കി.
കഴിഞ്ഞ വെള്ളിയാഴ്ചയാണ് തിരുവനന്തപുരം യൂണിവേഴ്സിറ്റി കോളേജിൽ വിദ്യാർത്ഥിയായ അഖിലിനെ സംഘടനയിൽ എസ് എഫ് ഐ നേതാക്കളായ ശിവരഞ്ജിത്ത്, നസീം, എന്നിവരടങ്ങിയ സംഘം നെഞ്ചിൽ കത്തികൊണ്ട് കുത്തി ഗുരുതരമായി പരിക്കേല്പിക്കുന്നത്. സംഭവത്തിൽ പ്രതികളായ അഞ്ച് പേരെ പൊലീസ് അറസ്റ്റ് ചെയ്തിട്ടുണ്ട്. എന്നാൽ ബാക്കി മൂന്ന് പ്രതികൾ ഇപ്പോഴും ഒളിവിലാണ്.