ദില്ലി: ഉത്തർപ്രദേശിൽ ആരോഗ്യ സംവിധാനങ്ങൾ വിപുലപ്പെടുത്തുന്നതിന്റെ ഭാഗമായി നിർമ്മിച്ച പുതിയ ഒമ്പത് മെഡിക്കല്‍ കോളജുകളുടെ ഉദ്ഘാടനം നിര്‍വഹിച്ച്‌ പ്രധാനമന്ത്രി നരേന്ദ്രമോദി(Narendra Modi). സിദ്ധാർഥ്നഗറിൽനിന്ന് വിർച്വൽ ആയിട്ടായിരുന്നു ഉദ്ഘാടനം.
സംസ്ഥാനത്തെ ആരോഗ്യ സംവിധാനങ്ങൾ വിപുലപ്പെടുത്തുന്നതിന്റെ ഭാഗാമായാണ് മെഡിക്കൽ കോളജുകളുടെ നിർമാണം. സിദ്ധാര്‍ഥ്നഗര്‍, ഏട്ട, ഹര്‍ദോയ്, പ്രതാപ്ഗഡ്, ഫത്തേപൂര്‍, ദേവരിയ, ഗാസിപൂര്‍, മിര്‍സാപൂര്‍, ജാന്‍പൂര്‍ എന്നീ ജില്ലകളിലാണ് മെഡിക്കല്‍ കോളജുകള്‍. 2329 കോടി രൂപ മുതൽമുടക്കിയാണ് മെഡിക്കൽ കോളജുകൾ നിർമിച്ചത്.
എട്ട് മെഡിക്കല്‍ കോളജുകള്‍ കേന്ദ്രപദ്ധതിയുടെ കീഴിലും ഒരെണ്ണം സംസ്ഥാന സര്‍ക്കാറിന്റെ പദ്ധതിയുടെ കീഴിലുമായിരുന്നു നിര്‍മാണം. പിന്നോക്കം നില്‍ക്കുന്ന ജില്ലകളിലാണ് കേന്ദ്രപദ്ധതിക്ക് കീഴില്‍ മെഡിക്കല്‍ കോളജുകള്‍ നിര്‍മിച്ചത്. അതേസമയം കേന്ദ്രപദ്ധതിക്ക് കീഴിൽ രാജ്യത്തെ 157 പുതിയ കോളജുകളാണ് നിർമിക്കുക. ഇതിൽ 63 എണ്ണം പ്രവർത്തനം ആരംഭിച്ച് കഴിഞ്ഞു.
