റഷ്യ-യുക്രെയ്ൻ യുദ്ധം: “അക്രമം അവസാനിപ്പിക്കണമെന്ന് പുടിനോട് നേരിട്ട് ആവശ്യപ്പെട്ടത് മോദി മാത്രം”

ദില്ലി: റഷ്യ-യുക്രെയ്ൻ യുദ്ധം കൊടുമ്പിരികൊണ്ടിരിക്കുകയാണ്. ഇപ്പോഴിതാ ഈ വിഷയത്തിൽ
നിലപാട് വ്യക്തമാക്കി രംഗത്തുവന്നിരിക്കുകയാണ് ഇന്ത്യ. പ്രധാനമന്ത്രി നരേന്ദ്രമോദിയാണ്‌ (PM Modi On Russia-Ukraine War) സംഭവത്തിൽ വ്യക്തമായ പ്രതികരണം നടത്തിയത്.

പ്രധാനമന്ത്രിയുടെ വാക്കുകൾ ഇങ്ങനെ:

”യുക്രെയ്ന്‍ പ്രതിസന്ധിയില്‍ രാജ്യതാല്‍പ്പര്യം സംരക്ഷിക്കുന്ന നിലപാടാണ് ഇന്ത്യയുടേയത്. ഒരു രാജ്യവും ധാര്‍മികത ഉപദേശിക്കേണ്ടതില്ല. റഷ്യയുമായി സൈനിക കരാറുകളുണ്ട്. യുദ്ധം അവസാനിപ്പിക്കണമെന്ന് പുടിനോട് ആവശ്യപ്പെട്ടു എന്നും പ്രധാനമന്ത്രി പറഞ്ഞു.

അതേസമയം മറ്റൊരു നേതാവും ഇക്കാര്യം പുടിനോട് നേരിട്ട് പറഞ്ഞിട്ടില്ല, പ്രധാനമന്ത്രി നരേന്ദ്രമോദിയാണ് നേരിട്ട് യുദ്ധം അവസാനിപ്പിക്കണമെന്ന് പുടിനോട് ആവശ്യപ്പെട്ടതെന്നും കേന്ദ്രസര്‍ക്കാര്‍ വ്യക്തമാക്കി. എന്നാൽ യുക്രെയ്‌നിലെ രക്ഷാപ്രവര്‍ത്തനവും ഇന്ത്യ ഊര്‍ജ്ജിതമാക്കിയിട്ടുണ്ട്. ഒഴിപ്പിക്കേണ്ട ഇന്ത്യക്കാരുടെ രജിസ്‌ട്രേഷന്‍ ആരംഭിച്ചു.

നാല് രാജ്യങ്ങള്‍ വഴിയാണ് ഒഴിപ്പിക്കല്‍ നടപടികള്‍ തീരുമാനിച്ചിട്ടുള്ളത്. ഇതിനായി വിപുലമായ പദ്ധതിയാണ് തയ്യാറാക്കിയിരിക്കുന്നത്. ഇന്ത്യയിലെ ഉദ്യോഗസ്ഥസംഘം യുക്രെയ്ന്‍ അതിര്‍ത്തികളില്‍ എത്തിയിട്ടുണ്ട്. അതേസമയം രാജ്യത്തെ സംരക്ഷിക്കാനുള്ള റഷ്യയ്‌ക്കെതിരായ പോരാട്ടത്തിൽ ഒറ്റയ്‌ക്കാണെന്ന് യുക്രെയ്ൻ പ്രസിഡന്റ് വോളോഡിമിർ സെലെൻസ്‌കി. റഷ്യൻ സൈന്യത്തിന്റേയും വിമതരുടേയും ആദ്യ ലക്ഷ്യം താനാണെന്നും സെലൻസ്‌കി പറഞ്ഞു. റഷ്യൻ സൈനിക സംഘം യുക്രെയ്ൻ ആസ്ഥാനമായ കീവിൽ പ്രവേശിച്ചു കഴിച്ചു. രാഷ്‌ട്ര തലവനെ ഇല്ലാതാക്കി രാജ്യം പിടിച്ചെടുക്കുകയാകും അവരുടെ ലക്ഷ്യം. താനാണ് അവരുടെ ആദ്യ ഇര. അതിനുശേഷം അവർ തന്റെ കുടുംബത്തേയും നശിപ്പിക്കുമെന്ന് സെലൻസ്‌കി പറഞ്ഞു.