തിരുവനന്തപുരം: കവി നീലമ്പേരൂര് മധുസൂദനന് നായര് അന്തരിച്ചു. 84 വയസായിരുന്നു. വാർധക്യ സഹജമായ അസുഖങ്ങളെത്തുടർന്ന് പട്ടം ശ്രീ ഉത്രാടം തിരുന്നാൾ ആശുപത്രിയിൽ ചികിത്സയിലായിരുന്നു. കേരള സാഹിത്യ അക്കാദമിയുടെ ജനറൽ കൗൺസിൽ അംഗമായിരുന്നു. പതിനഞ്ചോളം കവിതാസമാഹാരങ്ങളുള്പ്പെടെ മുപ്പതോളം കൃതികളുടെ രചയിതാവാണ്.
ഇതിലേ വരിക, ഈറ്റിലം, ചിത, ഉറങ്ങുംമുന്പ്, അമരന്, ഫലിത ചിന്തകള് തുടങ്ങിയവയാണ് പ്രധാനകൃതികള്. ചമത എന്ന കാവ്യ സമാഹാരത്തിന് 2000-ത്തില് കേരള സാഹിത്യ അക്കാദമി പുരസ്കാരം ലഭിച്ചിട്ടുണ്ട്. മൗസലപർവ്വം എന്ന കാവ്യഗ്രന്ഥത്തിന് കേരള സാഹിത്യ അക്കാദമിയുടെ പ്രഥമ കനകശ്രീ പുരസ്കാരം, പാഴ്കിണർ എന്ന കാവ്യഗ്രന്ഥത്തിന് മൂലൂർ സ്മാരക പുരസ്കാരം , കിളിയും മൊഴിയും എന്ന ബാലകവിതാ ഗ്രന്ഥത്തിന് സംസ്ഥാന ബാലസാഹിത്യ പുരസ്കാരം എന്നിവ ലഭിച്ചു.
ഭാര്യ: കെ എൽ രുഗ്മിണി ദേവി. മക്കൾ: എം ദീപുകുമാർ, എം ഇന്ദുലേഖ.