കൊച്ചി: മരട് ഫ്ളാറ്റില് നിന്നും ഇടി മിന്നല് രക്ഷാചാലകത്തിന്റെ പട്ടകള് മോഷണം പോയ സംഭവത്തില് പൊലീസ് ഉദ്യോഗസ്ഥന് സസ്പെന്ഷന്. പനങ്ങാട് എസ് ഐ വിപിന് കുമാറിനെ ആണ് സസ്പെന്ഡ് ചെയ്തത്.
സുരക്ഷാ ജീവനക്കാരുടെ സാന്നിധ്യത്തില് പൊളിക്കുന്ന മരടിലെ ജെയ്ന് ഫ്ളാറ്റില്നിന്നു 100 കിലോയോളം ചെമ്ബ് പട്ടകളാണ് കാണാതായത്. പിന്നീട് മോഷണമുതല് പനങ്ങാട് പോലീസ് സ്റ്റേഷനില് ഒളിപ്പിച്ച നിലയില് കണ്ടെത്തി. മോഷ്ടാക്കളെ പിടികൂടിയ പനങ്ങാട് പോലീസ്, അവരെ കേസെടുക്കാതെ വിട്ടയക്കുകയും രേഖയില്പ്പെടുത്താതെ മോഷണമുതല് മുക്കി ഒളിച്ചുവയ്ക്കുകയും ചെയ്തതിനെ തുടര്ന്ന് സിറ്റി പൊലീസ് കമ്മീഷണര് വിജയ് സാക്കറെ ഇയാളെ സസ്പെന്ഡ് ചെയ്യുകയായിരുന്നു. മരട് പൊലീസ് സ്റ്റേഷനു സമീപം താമസിക്കുന്ന ഇലക്ട്രിഷ്യനും സഹായിയും ചേര്ന്നാണ് ചെമ്ബ് പട്ടകള് മോഷ്ടിച്ചത്.
