കൊച്ചി: പുരാവസ്തു തട്ടിപ്പ് വീരനായ മോൻസൻ മാവുങ്കലിൽ നിന്ന് പൊലീസ് ഉദ്യോഗസ്ഥർ ലക്ഷങ്ങൾ കൈപ്പറ്റിയ സംഭവത്തിൽ അന്വേഷണം. മെട്രോ സ്റ്റേഷന് ഇന്സ്പെക്ടര് അനന്തലാല് ഒരു ലക്ഷം രൂപയും മേപ്പാടി എസ്ഐ എബി വിപിന് 1.80ലക്ഷം രൂപയുമാണ് കൈപ്പറ്റിയത്.
കോടികളുടെ തട്ടിപ്പ് നടത്തിയ മോന്സന് മാവുങ്കലില് നിന്ന് പൊലീസുകാര് ലക്ഷങ്ങള് കൈപ്പറ്റിയതായി കണ്ടെത്തിയതിന്റെ അടിസ്ഥാനത്തില് ക്രൈംബ്രാഞ്ച് അന്വേഷണത്തിന് ഡിജിപി അനില്കാന്ത് ഉത്തരവിട്ടു.
അതേസമയം എറണാകുളം ജില്ലാ ക്രൈം ബ്രാഞ്ച് എസ്പിയ്ക്കാണ് അന്വേഷണത്തിന്റെ ചുമതല. ഇവർക്ക് പണം കൈമാറിയത് മോൻസന്റെ സഹായിയും പോക്സോ കേസ് പ്രതിയുമായ ജോഷിയാണ്. പണം വാങ്ങിയെന്ന് ഉദ്യോഗസ്ഥര് മൊഴി നല്കി. എന്നാൽ കടമായാണ് കൈപ്പറ്റിയതെന്നാണ് ഉദ്യോഗസ്ഥരുടെ വിശദീകരണം. എറണാകുളം ജില്ലാ ക്രൈംബ്രാഞ്ച് എസ്പിക്കാണ് അന്വേഷണ ചുമതല.