തിരുവനന്തപുരം: പോലീസുകാരുടെ പോസ്റ്റല് ബാലറ്റ് ക്രമക്കേടില് ക്രൈംബ്രാഞ്ച് ഇടക്കാല റിപ്പോര്ട്ട് സമര്പ്പിച്ചു. അന്വേഷണത്തിന് കൂടുതല് സമയം തേടിയാണ് ക്രൈംബ്രാഞ്ച് ഇടക്കാല റിപ്പോര്ട്ട് ഡിജിപിക്ക് കൈമാറിയത്.
കേരളത്തിന് പുറത്ത് തിരഞ്ഞെടുപ്പ് ഡ്യൂട്ടിയിലുള്ള പോലീസുകാരുടെ മൊഴി രേഖപ്പെടുത്താനുണ്ടെന്നും ഇത് സംബന്ധിച്ച അന്വേഷണം പൂര്ത്തിയാക്കാന് കൂടുതല് സമയം ആവശ്യമാണെന്നും ക്രൈംബാഞ്ച് അറിയിച്ചു.
വോട്ടെണ്ണലിനു ശേഷമെ എത്ര പോസ്റ്റല് വോട്ടുകള് രേഖപ്പെടുത്തിയെന്ന് അറിയാന് കഴിയുവെന്നും റിപ്പോര്ട്ടില് പറയുന്നു. നേരത്തേ, തിരഞ്ഞെടുപ്പ് ഫലം വരുന്നതിന് മുൻപ് അന്വേഷണ റിപ്പോര്ട്ട് സമര്പ്പിക്കാനായിരുന്നു മുഖ്യതിരഞ്ഞെടുപ്പ് ഓഫീസര് നല്കിയ നിര്ദേശം.
