രോഗത്തിന്റെ വേദനകളും പ്രയാസങ്ങളും മറന്ന് ഏവരിലും ചെറു പുഞ്ചിരി ! കലാപരിപാടികളുമായി കുരുന്നുകൾ; വർണാഭമായ പരിപാടികളുമായി ശിശുദിനമാഘോഷിച്ച് തിരുവനന്തപുരം പിആർഎസ് ആശുപത്രി

വർണാഭമായ പരിപാടികളുമായി ശിശുദിനമാഘോഷിച്ച് തിരുവനന്തപുരം പിആർഎസ് ആശുപത്രി. ആശുപത്രിയിലെ ജീവനക്കാരുടെ കുട്ടികളെയും പങ്കെടുപ്പിച്ചുകൊണ്ടായിരുന്നു വിപുലമായ ആഘോഷ പരിപാടികൾ നടന്നത്. ചെറിയ കൈകളും മിഴികളും ആശുപത്രിയുടെ ശാന്തമായ അന്തരീക്ഷത്തെ അൽപ നേരത്തേക്കാണെങ്കിലും ഉത്സവമയമാക്കി. കലാപരിപാടികൾക്കൊടുവിൽ കുട്ടികൾക്കുള്ള സമ്മാനദാനവും നടന്നു. ആശുപത്രിയിലെ കുഞ്ഞു രോഗികൾക്കും അവരുടെ കുടുംബങ്ങൾക്കും ഒരു മറക്കാനാവാത്ത ദിനമായി ഇത് മാറി. രോഗത്തിന്റെ വേദനകളും പ്രയാസങ്ങളും മറന്ന് എല്ലാവരിലും പുഞ്ചിരി നിറഞ്ഞു,

ഇന്ത്യയുടെ പ്രഥമ പ്രധാനമന്ത്രിയായ പണ്ഡിറ്റ് ജവഹർലാൽ നെഹ്‌റുവിന് കുഞ്ഞുങ്ങളോടുണ്ടായിരുന്ന സ്‌നേഹവായ്പുകളുമാണ് നെഹ്‌റുവിന്റെ ജന്മദിനമായ നവംബർ 14 ശിശുദിനമായി ആചരിക്കാൻ കാരണം. നെഹ്‌റുവിന്റെ 135-ാം പിറന്നാൾ ദിനമായിരുന്നു ഇന്ന്. കുട്ടികൾ ഒരു പൂന്തോട്ടത്തിലെ മുകുളങ്ങൾ പോലെയാണ്, അവരെ ശ്രദ്ധയോടെയും സ്‌നേഹത്തോടെയും വളർത്തണം, കാരണം അവർ രാജ്യത്തിന്റെ ഭാവിയും നാളത്തെ പൗരന്മാരുമാണ്. ശരിയായ വിദ്യാഭ്യാസത്തിലൂടെ മാത്രമേ സമൂഹത്തിന്റെ മെച്ചപ്പെട്ട ക്രമം കെട്ടിപ്പടുക്കാൻ കഴിയൂ. കുട്ടികളെപ്പറ്റിയുള്ള നെഹ്‌റുവിന്റെ വാക്കുകൾ ഇങ്ങനെയായിരുന്നു.