ഉത്തർപ്രദേശിലെ മിര്സാപൂരില് സോന്ഭദ്രയില് ഭൂമി തര്ക്കത്തെ തുടര്ന്നുണ്ടായ വെടിവെയ്പ്പില് കൊല്ലപ്പെട്ടവരുടെ കുടുംബത്തെ സന്ദര്ശിക്കാനെത്തിയ കോണ്ഗ്രസ് ജനറൽ സെക്രട്ടറി പ്രിയങ്ക ഗാന്ധിയെ പൊലീസ് കരുതല് കസ്റ്റഡിയിലെടുത്തു.
സ്ഥലത്ത് നിരോധനാജ്ഞ നിലനില്ക്കുന്നതിനാല് നാലിലധികം പേരെ കടത്തിവിടാനാകില്ലെന്ന് കാണിച്ചാണ് പ്രിയങ്കയെ തടഞ്ഞത് മിര്സാപൂരിലെത്തിയ പ്രിയങ്കയെ പൊലീസ് തടഞ്ഞതോടെ പ്രിയങ്കയും നേതാക്കളും റോഡില് കുത്തിയിരുന്ന് പ്രതിഷേധിക്കുകയാണ്. കഴിഞ്ഞ ബുധനാഴ്ചയാണ് സോന്ഭദ്രയിൽ ഭൂമി തർക്കത്തെ തുടർന്നുണ്ടായ വെടിവയ്പ്പിൽ 10 പേർ കൊല്ലപ്പെട്ടത്. 24 പേര് ഗുരുതര പരിക്കുകളോടെ ചികിത്സയിലാണ്.
