പാലക്കാട്: നാളെ മുതല്‍ പാലക്കാട് ഡിവിഷനിലെ ഏഴു സ്‌പെഷല്‍ ട്രെയിനുകളില്‍ റിസര്‍വേഷന്‍ ഇല്ലാതെ യാത്ര ചെയ്യാവുന്ന സെക്കൻഡ് ക്ലാസ് കോച്ചുകൾ പുനഃസ്‌ഥാപിക്കും. സ്‌പെഷല്‍ ട്രെയിനില്‍ നവംബര്‍ 10 മുതലാണ്‌ ജനറല്‍ കോച്ചുകള്‍ ഉണ്ടാവുക.
അതേസമയം നവംബർ ഒന്നുമുതൽ 23 ട്രെയിനുകളിൽ സെക്കൻഡ് ക്ലാസ് കോച്ചുകൾ പുനഃസ്ഥാപിക്കുന്നതിനാൽ അന്നുമുതൽ ബന്ധപ്പെട്ട ട്രെയിനുകൾക്ക് സ്റ്റോപ്പുള്ള സ്റ്റേഷനുകളിൽ റിസർവ് ചെയ്യാത്ത ടിക്കറ്റുകളും സീസൺ ടിക്കറ്റുകളും ലഭ്യമാക്കുമെന്ന് റെയിൽവേ അറിയിച്ചു.
കോവിഡ്‌ വ്യാപനത്തെത്തുടര്‍ന്ന്‌ നിര്‍ത്തിവെച്ച ട്രെയിന്‍ സര്‍വീസ്‌ പുന:രാരംഭിച്ചപ്പോള്‍ തിരക്ക്‌ ഒഴിവാക്കുന്നതിന്റെ ഭാഗമായാണ്‌ ജനറല്‍ കമ്പാർട്ടുമെന്റുകൾ ഒഴിവാക്കിയത്‌. ഇവ പുന:സ്‌ഥാപിക്കുന്നതോടെ ദിവസേന ജോലി ആവശ്യത്തിനും മറ്റും പോയി വരുന്നവര്‍ക്കും സാധാരണ യാത്രക്കാര്‍ക്കും വലിയ ആശ്വാസമാകും.
നാളെ മുതല്‍ ജനറല്‍ കോച്ചുകള്‍ പുനഃസ്‌ഥാപിക്കുന്ന ട്രെയിനുകള്‍: തിരുച്ചിറപ്പള്ളി ജങ്‌ഷന്‍-പാലക്കാട് ടൗണ്‍-തിരുച്ചിറപ്പള്ളി ജങ്‌ഷന്‍ (06843/06844), കണ്ണൂര്‍-കോയമ്ബത്തൂര്‍ ജങ്‌ഷന്‍-കണ്ണൂര്‍ എക്‌സ്‌പ്രസ്‌ സ്‌പെഷല്‍ (06607/06608), നിലമ്ബൂര്‍ റോഡ്‌-കോട്ടയം-നിലമ്ബൂര്‍ റോഡ്‌ എക്‌സ്‌പ്രസ്‌ (06325/06326), ഷൊര്‍ണൂര്‍ ജങ്‌ഷന്‍-തിരുവനന്തപുരം ജങ്‌ഷന്‍-ഷൊര്‍ണൂര്‍ ജങ്‌ഷന്‍ വേണാട്‌ എക്‌സ്‌പ്രസ്‌ (06301/06302), ആലപ്പുഴ-കണ്ണൂര്‍-ആലപ്പുഴ എക്‌സ്‌പ്രസ്‌ സ്‌പെഷല്‍ (06307/06308), എറണാകുളം-കണ്ണൂര്‍-എറണാകുളം ഇന്റര്‍സിറ്റി (06305/06306).
