ആർആർആറിന്റെ ഉജ്ജ്വല വിജയം: കറുപ്പണിഞ്ഞ് ചെരുപ്പിടാതെ ആരാധകർക്കായി തിയറ്ററിലെത്തി രാം ചരണ്‍: ശബരിമല ദര്‍ശനത്തിന് വ്രതം നോറ്റ് താരം

മാർച്ച് 25 നാണ് രാജമൗലി സംവിധാനം ചെയ്‌ത ആർ ആർ ആർ തീയേറ്ററുകളിൽ എത്തിയത്. പ്രഖ്യാപനം മുതൽ വലിയ ജനശ്രദ്ധ പിടിച്ചു പറ്റിയ ആർആർആറിൽ രാംചരൺ, ജൂനിയർ എൻടിആർ എന്നിവരാണ് നായകരായി എത്തുന്നത്. ബാഹുബലിക്ക് ശേഷം രാജമൗലി സംവിധാനം ചെയ്‌ത ചിത്രത്തിന് തീയേറ്ററുകളിൽ നിറഞ്ഞ കൈയ്യടി നേടി മുന്നേറുകയാണ്.

അതേസമയം ആര്‍ആര്‍ആര്‍ വന്‍ വിജയമായതിന് പിന്നാലെ നടന്‍ രാം ചരണ്‍ ശബിരിമല ദര്‍ശനത്തിന് എത്തുന്നു. താരം 41 ദിവസത്തെ വ്രതം നോറ്റാണ് താരം അയ്യപ്പ സ്വാമിയെ തൊഴാനായി എത്തുന്നത്. ഇപ്പോൾ സമൂഹ മാധ്യമങ്ങളിൽ വൈറലാകുന്നത് കറുത്ത വസ്ത്രം അണിഞ്ഞ് ചെരുപ്പിടാതെ മുംബൈയില്‍ നിന്നുള്ള രാം ചരണിന്റെ ചിത്രങ്ങളാണ്.

മുംബൈയില്‍ ബാന്ദ്രയിലുള്ള തിയറ്ററിലാണ് ആരാധകരെ കാണാനായി താരം എത്തിയത്. പ്രേക്ഷകർ ആര്‍ആര്‍ആറിന് നല്‍കുന്ന പിന്തുണയ്ക്കും സ്‌നേഹത്തിനും നന്ദി പറയാനായിരുന്നു താരത്തിന്റെ തീയേറ്ററിലേക്കുള്ള ഈ സന്ദർശനം. കറുത്ത കുര്‍ത്തയും പൈജാമയും ധരിച്ചാണ് താരം എത്തിയത്. കയ്യില്‍ ഒരു തോര്‍ത്തുമുണ്ടായിരുന്നു. ചെരിപ്പിടാതെയാണ് താരം തിയറ്ററില്‍ എത്തിയത്. ശബരിമല ദര്‍ശനത്തിനായുള്ള വ്രതത്തിലായതിനാലാണ് താരം കറുപ്പ് അണിഞ്ഞ് എത്തിയത്.