എടത്തല: യുവതിയെ വിവാഹ വാഗ്ദാനം നൽകി പീഡിപ്പിച്ച് മൊബൈലിൽ ദൃശ്യങ്ങൾ പകർത്തിയ ഡോക്ടർ അറസ്റ്റിൽ. സംഭവത്തിൽ എടത്തല പാലഞ്ചേരിമുകള്‍ കുറുമാലിക്കല്‍ വീട്ടില്‍ ഹരികുമാറാണ് അറസ്റ്റിലായത്.
യുവതിയുടെ പരാതിയിൽ എടത്തല പൊലീസാണ് ഹരികുമാറിനെ അറസ്റ്റ് ചെയ്തത്. വിവാഹ വാഗ്ദാനം നൽകി യുവതിയെ ഡോക്ടർ പീഡിപ്പിച്ചു. ഇതിനു പിന്നാലെ യുവതിയുടെ ഫോട്ടോയും വീഡിയോയും മൊബൈല്‍ ഫോണില്‍ പകര്‍ത്തി ഭീഷണിപ്പെടുത്തുകയായിരുന്നു.
ഈ വീഡിയോ കാണിച്ചായിരുന്നു ഇയാൾ യുവതിയെ പീഡിപ്പിച്ചത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. അതേസമയം, സംസ്ഥാനത്ത് സ്ത്രീകൾക്കെതിരെയുള്ള അതിക്രമങ്ങളിൽ വലിയ വർധനവാണ് രേഖപ്പെടുത്തുന്നത്. സൈബർ ഇടങ്ങളിലും മറ്റും സ്ത്രീകൾ വലിയ ചൂഷണങ്ങൾക്കാണ് ഇരയായിക്കൊണ്ടിരിക്കുന്നത്. എന്നാൽ ഇതിനെതിരെ വലിയ നടപടികൾ എടുക്കുന്നില്ലെന്നത് ശ്രദ്ധേയം.
