“ത്രിവർണ്ണപതാക വാനിൽ ഉയർന്നുപറക്കട്ടെ”; ഭാരത സ്വാതന്ത്ര്യത്തിന്റെ അമൃത് മഹോത്സവത്തിൽ റിപ്പബ്ലിക് ദിനാശംസകൾ നേർന്ന് മലയാളത്തിന്റെ സൂപ്പർ സ്റ്റാറുകൾ

കൊച്ചി : ഭാരത സ്വാതന്ത്ര്യത്തിന്റെ അമൃത് മഹോത്സവത്തിൽ റിപ്പബ്ലിക് ദിനാശംസകൾ നേർന്ന് മലയാളത്തിന്റെ സൂപ്പർ സ്റ്റാറുകൾ. മോഹൻലാൽ, (Republic Day Wish By Mohan Lal And Mammootty) മമ്മൂട്ടി, ഉണ്ണി മുകുന്ദൻ, തുടങ്ങി നിരവധി സൂപ്പർ താരങ്ങളാണ് ആശംസകളുമായി എത്തിയത്.

‘തിവർണ്ണ പതാക എന്നും ഉയർത്തി പിടിക്കുമെന്ന് ഈ ദിവസം നമുക്ക് പ്രതിജ്ഞ ചെയ്യാം. എല്ലാ ഇന്ത്യക്കാർക്കും റിപ്പബ്ലിക് ദിനാശംസകൾ നേരുന്നു’ മോഹൻലാൽ ഫേസ്ബുക്കിൽ കുറിച്ചു. എല്ലാവർക്കും റിപ്പബ്ലിക് ദിനാശംസകൾ നേരുന്നതായി മമ്മൂട്ടിയും അറിയിച്ചു. അതോടൊപ്പം ഉണ്ണി മുകുന്ദൻ ഉൾപ്പെടെയുള്ള താരങ്ങളും റിപ്പബ്ലിക്ക് ദിന സന്തോഷം അറിയിച്ചുകൊണ്ട് ആശംസകൾ അറിയിച്ചിട്ടുണ്ട്. അതേസമയം കേരളത്തിലും കടുത്ത നിയന്ത്രണങ്ങളോടെയാണ് റിപ്പബ്ലിക്ക് ദിന ആഘോഷങ്ങൾ നടന്നത്.

പരിപാടികൾക്ക് തുടക്കം കുറിച്ച് ഗവർണർ ആരിഫ് മുഹമ്മദ് ഖാൻ തിരുവനന്തപുരം സെൻട്രൽ സ്റ്റേഡിയത്തിൽ പതാക ഉയർത്തി. മുഖ്യമന്ത്രിയുടെ അഭാവത്തിൽ ധനമന്ത്രി കെ.എൻ ബാലഗോപാലാണ് ഗവർണറെ സ്വീകരിച്ചത്. കോവിഡിന്റെ പശ്ചാത്തലത്തിൽ ക്ഷണിക്കപ്പെട്ട അതിഥികൾക്ക് മാത്രമാണ് സെൻട്രൽ സ്റ്റേഡിയത്തിൽ പ്രവേശനം. സംസ്ഥാനത്തെ ചില മന്ത്രിമാർ കോവിഡ് ചികിത്സയിലായതിനാൽ അതത് ജില്ലകളിലെ ജനപ്രതിനിധികൾക്കാണ് ചുമതല നൽകിയിരിക്കുന്നത്.