കൊച്ചി:അണ്ടര് 17 കേരള ബ്ലാസ്റ്റേഴ്സ് ടീം സെലക്ഷന് ട്രയലിനെത്തിയ കുട്ടികളെ തടഞ്ഞ സംഭവത്തില് എംഎൽഎ പി വി ശ്രീനിജന് കുട്ടികളോട് മാപ്പ് പറഞ്ഞു.ട്രയൽസ് നടക്കുന്ന വിവരം ജില്ലാ സ്പോര്ട്സ് കൗണ്സിലിനെ അറിയിച്ചിരുന്നെങ്കിൽ ഗേറ്റ് പൂട്ടിയിടില്ലായിരുന്നുവെന്നും പി വി ശ്രീനിജിൻ ന്യായീകരിച്ചു.
ഗേറ്റ് പൂട്ടിയതല്ല. ഗേറ്റ് പൂട്ടി കിടന്നതാണ്. അനുമതി ഉണ്ടേൽ തുറന്ന് കൊടുക്കാറാണ് പതിവെന്നും എംഎല്എ പറഞ്ഞു.
ശ്രീനിജന് എംഎല്എയ്ക്കെതിരെ നടപടി ആവശ്യപ്പെട്ട് സംസ്ഥാന സ്പോര്ട്സ് കൗണ്സില് രംഗത്ത് വന്നു.വാടക നല്കാത്തതിനാല് ഗ്രൗണ്ട് തുറന്നു നല്കാനാവില്ലെന്ന് ജില്ലാ സ്പോര്ട്സ് കൗണ്സില് സെക്രട്ടറികൂടിയായ എംഎല്എ പറഞ്ഞതോടെയാണ് ഇന്നലെ ട്രയലിനെത്തിയ കുട്ടികള്ക്ക് പുറത്തുനില്ക്കേണ്ടിവന്നത്.പിന്നീട് മറ്റ് അധികൃതർ ഇടപെട്ട് സ്കൂളിന്റെ പ്രധാന ഗേറ്റിലൂടെ കായിക താരങ്ങളെ ഗ്രൗണ്ടിലേക്ക് പ്രവേശിപ്പിക്കുകയായിരുന്നു.