കൊച്ചി: കൊച്ചിയില് മോഡലുകളുടെ മരണവുമായി ബന്ധപ്പെട്ട കേസില് അറസ്റ്റിലായ ഓഡി കാര് ഡ്രൈവര് സൈജു തങ്കച്ചന് നിരവധി പെണ്കുട്ടികളെ ചൂഷണം ചെയ്തിരുന്നതായി പൊലീസ്. സൈജുവിന്റെ ഫോണ് പരിശോധിച്ചപ്പോള് ലഭിച്ച ദൃശ്യങ്ങള് പോലീസ് കോടതിയ്ക്ക് കൈമാറി.
നമ്പർ 18 ഹോട്ടലിൽ സൈജു സ്ഥിരമായി പ്രൈവറ്റ് ഡിജെ പാർട്ടി നടത്തിയിരുന്നതായും പൊലീസ് കണ്ടെത്തി. പൊലീസ്, ഹോട്ടൽ ഉടമ റോയിയെയും സൈജുവിനെയും ഒന്നിച്ചിരുത്തി ചോദ്യം ചെയ്തേക്കുമെന്നാണ് ലഭിക്കുന്ന വിവരം. കഴിഞ്ഞ ദിവസമാണ് മോഡലുകളുടെ മരണവുമായി ബന്ധപ്പെട്ട കേസില് സൈജുവിനെ അറസ്റ്റ് ചെയ്തത്. രണ്ട് അഭിഭാഷകര്ക്കൊപ്പം കളമശേരി മെട്രോ പൊലീസ് സ്റ്റേഷനിലെത്തി സൈജു ഹാജരാവുകയായിരുന്നു. തുടര്ന്ന് നടത്തിയ ചോദ്യംചെയ്യലിനൊടുവില് അറസ്റ്റ് രേഖപ്പെടുത്തുകയായിരുന്നു.
