ബെംഗളൂരു: കർണാടകയിൽ കോൺഗ്രസുമായി വീണ്ടും കൈകോർക്കാൻ ജെ ഡി എസ് നീക്കം. പാർട്ടിനേതാവ് എച്ച് ഡി ദേവഗൗഡയാണ് ഇതിനുള്ള നീക്കംനടത്തുന്നത്. ഉപതിരഞ്ഞെടുപ്പുഫലത്തിനുശേഷം കോൺഗ്രസ് അധ്യക്ഷ സോണിയാഗാന്ധിയുടെ തീരുമാനം എന്തായിരിക്കുമെന്ന് കാത്തിരിക്കുകയാണെന്ന് ദേവഗൗഡ പറഞ്ഞു.
‘കോൺഗ്രസിലെ പരമോന്നതനേതാവാണ് സോണിയാഗാന്ധി. അവർ എന്ത് തീരുമാനിച്ചാലും കോൺഗ്രസിൽ എല്ലാവർക്കും അനുസരിക്കേണ്ടിവരും. എന്നാൽ ജെ ഡി എസിൽ പരമോന്നതനേതാവില്ല. തിരഞ്ഞെടുപ്പുഫലത്തിനുശേഷം എന്ത് സംഭവിക്കുമെന്ന് കാണാമെന്നും ദേവഗൗഡ പറഞ്ഞു.
ഇടക്കാല തിരഞ്ഞെടുപ്പ് ഒഴിവാക്കാൻ കോൺഗ്രസുമായും ബി ജെ പി യുമായും സഹകരിക്കാൻ തയ്യാറാണെന്ന സൂചനയാണ് ദേവഗൗഡയും മുൻമുഖ്യമന്ത്രി എച്ച് ഡി കുമാരസ്വാമിയും നൽകുന്നത്.
