വയനാട്: ക്ലാസ് മുറിയില് പാമ്പുകടിയേറ്റ് അഞ്ചാം ക്ലാസ് വിദ്യാര്ഥിനി ഷഹല മരിച്ച സംഭവത്തില് പ്രതിഷേധം ശക്തമാകുന്നു. സംഭവത്തില് പ്രതിഷേധിച്ച് എസ്എഫ്ഐ പ്രവര്ത്തകര് കല്പറ്റ കളക്ട്രേറ്റിലേക്ക് നടത്തിയ മാര്ച്ചില് സംഘര്ഷമുണ്ടായി. കളക്ട്രേറ്റിന്റെ മുന്വശത്തെ ഗേറ്റില് ഡിവൈഎഫ്ഐയുടെ പ്രതിഷേധം നടക്കുന്നതിനിടെയാണ് നൂറോളം വരുന്ന എസ്എഫ്ഐ പ്രവര്ത്തകര് രണ്ടാമത്തെ ഗേറ്റിലേക്ക് ഇരച്ചെത്തിയത്.
പ്രവര്ത്തകര് ഗേറ്റും മതിലും ചാടി കടന്ന് കളക്ട്രേറ്റിലേക്ക് പാഞ്ഞു കയറുകയായിരുന്നു. കളക്ട്രേറ്റ് വളപ്പിലേക്ക് പ്രവേശിച്ച പ്രവര്ത്തകര് വിവിധ ഓഫീസുകളിലേക്കും കയറി. വനിതാ പ്രവര്ത്തകര് ഉള്പ്പടെയുള്ളവരാണ് കളക്ട്രേറ്റിലേക്ക് ഓടിക്കയറിയത്. മതിയായ വനിതാ പോലീസ് ഉദ്യോഗസ്ഥര് സ്ഥലത്ത് ഇല്ലാതിരുന്നതിനാല് വനിതാ പ്രവര്ത്തകരെ നിയന്ത്രിക്കാനായില്ല.
കളക്ട്രേറ്റിനുള്ളിലെ രണ്ടാം നിലയിലേക്ക് കയറാനൊരുങ്ങിയ പ്രവര്ത്തകരെ ലാത്തിച്ചാര്ജ് ചെയ്താണ് പോലീസ് പിന്തിരിപ്പിച്ചത്.
