കൊച്ചി: വ്യാപാരികള് നേരിടുന്ന പ്രശ്നങ്ങള് പരിഹരിക്കണമെന്നാവശ്യപ്പെട്ട് പ്രതിഷേധം. കടകൾ തുറന്നു പ്രവർത്തിക്കാൻ അനുവദിക്കാത്തതിൽ പ്രതിഷേധിച്ച് സമരം ആരംഭിക്കാനാണ് വ്യാപാരി വ്യവസായി ഏകോപന സമിതിയുടെ തീരുമാനം. ഇതേതുടർന്ന് ചൊവ്വാഴ്ച്ച സംസ്ഥാനത്തെ മുഴുവന് കടകളും അടച്ചിട്ട് സംഘടന പ്രതിഷേധിക്കും. കോവിഡ് മാനദണ്ഡങ്ങളുടെ പേരില് വ്യാപാരികളെ ദ്രോഹിക്കുകയാണെന്ന് നേതാക്കള് ആരോപിച്ചു. നിരവധി തവണ ഇത് സര്ക്കാരിന്റെ ശ്രദ്ധയില്പ്പെടുത്തിയെങ്കിലും പരിഹാരമുണ്ടാവുന്നില്ല.
കൊറോണ സുരക്ഷാ മാർഗ്ഗ നിർദ്ദേശങ്ങൾ പാലിച്ച് എല്ലാ കടകളും തുറന്നു പ്രവർത്തിക്കാൻ അനുവദിക്കണമെന്നാണ് സമിതിയുടെ ആവശ്യം. ടി.പി.ആര് നിരക്ക് അടിസ്ഥാനമാക്കിയുള്ള നിയന്ത്രണങ്ങള് അശാസ്ത്രീയമാണെന്ന നിലപാട് വ്യാപാരികള് നേരത്തെ തന്നെ വ്യക്തമാക്കിയിരുന്നു. തുടര്ച്ചയായ വര്ഷങ്ങളില് പ്രളയവും കോവിഡും വന്നത് മൂലം കഴിഞ്ഞ മൂന്ന് വര്ഷത്തിലധികമായി സീസണ് കച്ചവടങ്ങള് നഷ്ടപ്പെട്ട വ്യാപാരികള് വലിയ പ്രതിസന്ധിയിലാണ്. ചൊവ്വാഴ്ച കടകൾ അടച്ച് പ്രതിഷേധിക്കുന്നതിന് പുറമേ സെക്രട്ടേറിയേറ്റിനു മുൻപിൽ നിരാഹാര സമരം സംഘടിപ്പിക്കുമെന്നും സമിതി അറിയിച്ചു.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
