ബംഗളൂരു: അനുയായിയുടെ മുഖത്തടിച്ച കോൺഗ്രസിന്റെ മുൻ മുഖ്യമന്ത്രി സിദ്ധരാമയ്യയുടെ വീഡിയോ സമൂഹ മാധ്യമങ്ങളിൽ വൈറൽ. മൈസൂർ വിമാനത്താവളത്തിൽ വച്ചായിരുന്നു സംഭവം. ഡി കെ ശിവകുമാറിനെ അഴിമതിക്കേസിൽ അറസ്റ്റ് ചെയ്തുമായി ബന്ധപ്പെട്ട് മാദ്ധ്യമപ്രവർത്തകരോട് സംസാരിച്ചു മടങ്ങുകയായിരുന്നു അദ്ദേഹം. പത്രസമ്മേളനത്തിനിടെ അനുയായിയും മറുപടി പറയാന് ശ്രമിച്ചതാണ് സിദ്ധരാമയ്യയെ പ്രകോപിച്ചത്. തിരിച്ചുപോകുന്നതിനിടെ, സിദ്ധരാമയ്യയും അനുയായിയും ഇതിനെപറ്റി പരസ്പരം സംസാരിക്കുകയും തുടര്ന്ന് സിദ്ധരാമയ്യ അയാളുടെ മുഖത്ത് അടിക്കുകയുമായിരുന്നു.
ഈ ദ്യശ്യങ്ങൾ സാമൂഹ്യമാദ്ധ്യമങ്ങളിൽ പ്രചരിച്ചതോടെ സിദ്ധരാമയ്യക്കെതിരെ വിമർശനങ്ങൾ ഉയർന്നിരിക്കുകയാണ്. ശിവകുമാറിന്റെ അറസ്റ്റിനെ കുറിച്ചുള്ള മാദ്ധ്യമ പ്രവർത്തകരുടെ ചോദ്യത്തിന് കേന്ദ്ര ഏജൻസികളെ ഉപയോഗിച്ച് പ്രതിപക്ഷ നേതാക്കൾ ശിവകുമാറിനെ വേട്ടയാടുകയാണെന്നാണ് സിദ്ധരാമയ്യ പ്രതികരിച്ചത്.