സി​ദ്ദിഖ്​ കാ​പ്പ​ന​ട​ക്കം നാ​ലു​പേ​രു​ടെ ജു​ഡീ​ഷ്യ​ല്‍ ക​സ്​​റ്റ​ഡി കാ​ലാ​വ​ധി നീട്ടി

ദില്ലി: ഹത്രാസി​ല്‍ യു.പി പൊ​ലീ​സ്​ പി​ടി​കൂ​ടി രാജ്യ​ദ്രോ​ഹ കു​റ്റം ചു​മ​ത്തി​യ മ​ല​യാ​ളി മാ​ധ്യ​മ​പ്ര​വ​ര്‍​ത്ത​ക​ന്‍ സി​ദ്ദീ​ഖ്​ കാ​പ്പ​ന​ട​ക്കം നാ​ലു​പേ​രു​ടെ ജു​ഡീ​ഷ്യ​ല്‍ ക​സ്​​റ്റ​ഡി കാ​ലാ​വ​ധി ന​വം​ബ​ര്‍ ര​ണ്ടു വ​രെ നീ​ട്ടി. രാ​ജ്യ​ദ്രോ​ഹ, യു.​എ.​പി.​എ വ​കു​പ്പു​ക​ള്‍ പ്ര​കാ​രം ചു​മ​ത്തി​യ കേ​സു​ക​ളി​ല്‍ പൊ​ലീ​സ്​ അ​ന്വേ​ഷ​ണം പൂ​ര്‍​ത്തി​യാ​യി​ട്ടി​ല്ലെ​ന്നതിനാലാ​ണ്​ ക​സ്​​റ്റ​ഡി നീ​ട്ടി​യ​ത്. സി​ദ്ദീ​ഖ്​ കാ​പ്പ​നും അ​തീ​ഖു​ര്‍ റ​ഹ്​​മാ​ന്‍, മ​സൂ​ദ്, ആ​ലം എ​ന്നി​വ​രും മ​ഥു​ര ജ​യി​ലി​ലാ​ണ്. ഇ​വ​രെ കാ​ണാ​ന്‍ അ​ഭി​ഭാ​ഷ​ക​ര്‍ നേ​ര​ത്തേ ശ്ര​മി​ച്ചെ​ങ്കി​ലും അനുമതി ലഭിച്ചിരുന്നില്ല.

ആ​ദ്യ ജു​ഡീ​ഷ്യ​ല്‍ ക​സ്​​റ്റ​ഡി കാ​ലാ​വ​ധി തീ​ര്‍​ന്നതിനെ തുടര്‍ന്നാണ് വി​ഡി​യോ കോ​ണ്‍​ഫ​റ​ന്‍​സി​ങ്​ വ​ഴി മ​ഥു​ര ചീ​ഫ്​ ജു​ഡീ​ഷ്യ​ല്‍ മ​ജി​സ്​​ട്രേ​റ്റ്​ അ​ഞ്​​ജു രാ​ജ്​​പു​ത്​ മു​മ്പാ​കെ നാ​ലു പേ​രെ​യും ഹാ​ജ​രാ​ക്കി​യ​ത്.

അതേസമയം സി​ദ്ദീ​ഖ്​ കാ​പ്പന്റെ ജാ​മ്യ​ത്തി​ന്​ അ​ല​ഹ​ബാ​ദ്​ ഹൈ​കോ​ട​തി​യെ സ​മീ​പി​ക്കാ​നാ​ണ്​ ഹേ​ബി​യ​സ്​ കോ​ര്‍​പ​സ്​ ഹ​ർ​ജി​യി​ല്‍ സു​പ്രീം​കോ​ട​തി ന​ല്‍​കി​യ നി​ര്‍​ദേ​ശം. എന്നാല്‍ നാ​ലു പേ​രും ല​ക്ഷം രൂ​പ വീ​ത​മു​ള്ള ബോ​ണ്ട്​ കെ​ട്ടി​വെ​ക്ക​ണ​മെ​ന്ന്​ തി​ങ്ക​ളാ​ഴ്​​ച മ​ഥു​ര മാ​ണ്ഡ്​​ സ​ബ്​ ഡി​വി​ഷ​ന​ല്‍ മ​ജി​സ്​​ട്രേ​റ്റും ഉ​ത്ത​ര​വി​ട്ടി​രു​ന്നു.