കാലിഫോർണിയയിൽ ചെറിയ വിമാനം തകർന്ന് വീണ് ആറു പേർ മരിച്ചു. വിമാനത്താവളത്തിന് സമീപമുള്ള വയലിലാണ് സെസ്ന C550 എന്ന കോർപ്പറേറ്റ് ജെറ്റ് തകർന്ന് വീണത്. ഇന്നലെയോടെയാണ് സംഭവം. അപകടത്തിൽ എൻടിഎസ്ബി അന്വേഷണം ആരംഭിച്ചിട്ടുണ്ട്.
13 പേർക്ക് ഇരിക്കാവുന്ന ജെറ്റ്, റൺവേയിൽ നിന്ന് 500 അടി അകലെയാണ് തകർന്നതെന്ന് നാഷണൽ ട്രാൻസ്പോർട്ടേഷൻ സേഫ്റ്റി ബോർഡിലെ അന്വേഷകൻ എലിയട്ട് സിംസൺ പറഞ്ഞു. അപകടത്തെ തുടർന്ന് വിമാനത്തിന് തീപിടിച്ചു. ഒരു മണിക്കൂറിലേറെ നീണ്ട ശ്രമത്തിനൊടുവിലാണ് തീ അണയ്ക്കാൻ സാധിച്ചതെന്ന് റിവർസൈഡ് കൗണ്ടി അഗ്നിശമനസേന അറിയിച്ചു.
