ഋഷഭ് പന്ത് തിരികെയെത്താൻ രണ്ട് വർഷത്തോളമെടുക്കുമെന്ന് സൗരവ് ഗാംഗുലി

മുംബൈ : വാഹനാപകടത്തിൽ പരിക്കേറ്റ് വിശ്രമിക്കുന്ന ഇന്ത്യൻ വിക്കറ്റ് കീപ്പർ ബാറ്റർ ഋഷഭ് പന്ത് കളിക്കളത്തിൽ തിരികെയെത്താൻ നീണ്ട രണ്ട് വർഷത്തോളം സമയമെടുക്കുമെന്ന് മുൻ താരവും ബിസിസിഐ മുൻ പ്രസിഡൻ്റുമായ സൗരവ് ഗാംഗുലി വെളിപ്പെടുത്തി. പന്ത് നയിക്കുന്ന ഐപിഎൽ ടീം ഡൽഹി ക്യാപിറ്റൽസിൻ്റെ ഉപദേശകൻ കൂടിയാണ് ഗാംഗുലി.

കഴിഞ്ഞ ഡിസംബറിലാണ് ഡെറാഡൂൺ-ഡൽഹി ദേശീയപാതയിലാണ് ഋഷഭ് പന്ത് സഞ്ചരിച്ച കാർ അപകടത്തിൽപ്പെടുന്നത്. അപകടത്തിൽ തലകീഴായി മറിഞ്ഞ കാർ ഉടൻ തന്നെ അഗ്നിക്കിരയാകുകയും ചെയ്തിരുന്നു. താൻ തന്നെയായിരുന്ന കാർ ഓടിച്ചിരുന്നതെന്നും ഡ്രൈവിംഗിനിടെ ഉറങ്ങിപ്പോയതാണ് അപകടത്തിന് കാരണമെന്ന് പന്ത് പിന്നീട് വ്യക്തമാക്കിരുന്നു.

അപകടത്തിൽ പരിക്കേറ്റ പന്തിനെ റൂർകിയിലെ സക്ഷം ആശുപത്രിയിയിലും പിന്നീട് ഡെറാഡൂണിലെ മാക്‌സ് ആശുപത്രിയിലും പ്രവേശിപ്പിച്ചിരുന്നു. തുടർന്ന് മുംബൈയിലെ കോകിലാബെൻ ധീരുഭായ് അംബാനിയിലേക്ക് മാറ്റി. ഇവിടെ വച്ചാണ് അദ്ദേഹത്തിന്റെ ശസ്ത്രക്രിയ നടന്നത്.