കാശി മോഡൽ വികസനം പന്തളത്തിനും വേണ്ടേ??? പ്രത്യേക ചർച്ചാവേദി ഒരുക്കാൻ തത്വമയി ടിവി ; തത്സമയക്കാഴ്ച തത്വമയി നെറ്റ് വർക്കിൽ ഇന്ന് രാത്രി 8 ന്

ശബരിമല: രാജ്യത്തെ പ്രശസ്തമായ ക്ഷേത്രങ്ങളിലൊന്നാണ് നമ്മുടെ സ്വന്തം കൊച്ചുകേരളത്തിലെ ശബരിമല (Sabariamala). അന്യസംസ്ഥാനങ്ങളിൽ നിന്നും വിദേശങ്ങളിൽ നിന്നും ലക്ഷക്കണക്കിന് പേരാണ് ഓരോ വർഷവും ഇവിടെ വരുന്നത്. പന്തളവും ശബരിമലയുമായി ഉള്ള ബന്ധത്തിന് ചരിത്രാതീതകാലത്തോളം പഴക്കമുണ്ട്. അയ്യപ്പന്റെ ജന്മസ്ഥലമായ പന്തളത്തെ ശബരിമല ക്ഷേത്രത്തിന്റെ മൂലസ്ഥാനമായാണ് കണക്കാക്കപ്പെടുന്നത് . അത് മാത്രമല്ല അയ്യപ്പ ചരിത്രത്തിലെ ഒട്ടേറെ മുഹൂർത്തങ്ങൾ അരങ്ങേറിയ പലപ്രദേശങ്ങളും ഇന്നും ഇതിന് ചുറ്റോടുചുറ്റിലുമായി കാണപ്പെടുന്നു .

എന്നാൽ പന്തളത്തിന്റെ സമഗ്രമായ ഒരു വികസന കാഴ്ചപ്പാടിനെ കുറിച്ച് നാം ഇനിയെങ്കിലും ചിന്തിക്കേണ്ടതായുണ്ട്. അതിനായി ഒരു പ്രത്യേക ചർച്ചാവേദി ഒരുക്കുകയാണ് തത്വമയി ടിവി. കാശി മോഡൽ വികസനം പന്തളത്തിനും വേണ്ടേ??? എന്ന വിഷയത്തിൽ ഇന്ന് രാത്രി 8 മണിക്ക് വലിയ കോയിക്കൽ ക്ഷേത്രാങ്കണത്തിലാണ് ചർച്ച നടക്കുന്നത്. പന്തളം വലിയകോയിക്കൽ ശ്രീധർമ്മ ശാസ്താ ക്ഷേത്ര ഉപദേശകസമിതിയുടെ സഹകരണത്തോടെയാണ് ഈ പ്രത്യേക ചർച്ചാവേദി നടക്കുക. അതോടൊപ്പം സ്പിരിച്വൽ ടൂറിസത്തിന് ഏറെ സാധ്യതകളുള്ള പന്തളത്തെ കാശി മോഡൽ വികസനത്തിലേക്ക് എത്തിക്കാൻ എന്തൊക്കെയാണ് ചെയ്യേണ്ടത് ഈ വിഷയത്തെ അധികരിച്ചും ചർച്ചകൾ നടക്കും. ഈ ചർച്ച രാത്രി 8 മണിക്ക് തന്നെ തത്വമയി നെറ്റ് വർക്കിൽ തത്സമയം സംപ്രേഷണം ചെയ്യും .www.tatwamayi.tv | www.tatwamayinews.com എന്ന ലിങ്കിൽ ക്ലിക്ക് ചെയ്താൽ നിങ്ങൾക്ക് ഇത് കാണാവുന്നതാണ്. അതോടൊപ്പം മകരസംക്രമ നാളിൽ അയ്യപ്പന് ചാർത്തുവാനുള്ള തിരുവാഭരണങ്ങൾ പന്തളം കൊട്ടാരത്തിൽ നിന്നും ശബരിമല സന്നിധാനത്തേയ്ക്ക് ആഘോഷമായി കൊണ്ടുപോകുന്ന തിരുവാഭരണ യാത്രയുടെ തൽസമയ കാഴ്ചയും തത്വമയി നെറ്റ് വർക്കിൽ തത്സമയം ഉണ്ടായിരിക്കുന്നതാണ്.