തിരുവനന്തപുരം: സംസ്ഥാനത്ത് എസ്എസ്എല്സി, ഹയര് സെക്കന്ഡറി, വൊക്കേഷണല് ഹയര്സെക്കന്ഡറി പരീക്ഷകള്ക്കായുള്ള തയ്യാറെടുപ്പുകള് പൂര്ത്തിയായെന്ന് മുഖ്യമന്ത്രി പിണറായി വിജയന്. റെഗുലര് വിഭാഗത്തില് മാത്രം 4,26, 999 വിദ്യാര്ത്ഥികള് ഇക്കുറി എസ്.എസ്.എല്.സി പരീക്ഷ എഴുതുന്നത്. ആകെ 2962 പരീക്ഷ സെന്ററുകളാണ് പരീക്ഷയ്ക്ക് തയ്യാറാക്കിയത്.
പ്രൈവറ്റ് വിഭാഗത്തില് 408 വിദ്യാര്ത്ഥികളടക്കം ആകെ 4,27,407 പേരാണ് പരീക്ഷയ്ക്ക് ഇരിക്കുക. 4,32,436 വിദ്യാര്ത്ഥികളാണ് പ്ലസ് പരീക്ഷ എഴുതുന്നത്. ഇവര്ക്കായി 2005 പരീക്ഷ സെന്ററുകള് ഒരുക്കിയിട്ടുണ്ട്. ഗള്ഫില് എട്ടും ലക്ഷദ്വീപില് ഒന്പതും പരീക്ഷ സെന്ററുകള് ഒരുക്കിയിട്ടുണ്ട്.
2022 ജൂണ് ഒന്നിന് അടുത്ത അധ്യയന വര്ഷത്തെ ക്ലാസുകള് ആരംഭിക്കുമെന്ന് മന്ത്രി വി.ശിവന്കുട്ടി വ്യക്തമാക്കി. ജൂണ് ഒന്നിനായിരിക്കും പ്രവേശനോത്സവം. അധ്യയനം തുടങ്ങും മുന്പ് ഡിജിറ്റല് ഉപകരണങ്ങള് നന്നാക്കാനായി ഡിജിറ്റല് ക്ലിനിക്കുകള് സംഘടിപ്പിക്കും. അക്കാദമിക്ക് മാസ്റ്റര് പ്ലാനും തയാറാക്കും. 1 മുതല് 7 വരെയുള്ള ക്ലാസ്സുകളിലെ അദ്ധ്യാപകര്ക്ക് മെയില് പരിശീലനം നല്കും. എല്കെജി, യുകെജി ക്ലാസുകള്ക്ക് അമിത ഫീസ് ഈടാക്കുന്നുവെന്ന പരാതി അന്വേഷിച്ചുകൊണ്ടിരിക്കുകയാണെന്നും മന്ത്രി വ്യക്തമാക്കി.
