തിരുവനന്തപുരം: സംസ്ഥാനത്തെ ഒന്ന് മുതൽ ഒൻപത് വരെയുള്ള ക്ളാസുകളിലെ വാർഷിക പരീക്ഷ മാർച്ച് 23ന് ആരംഭിച്ച് ഏപ്രിൽ രണ്ടിന് അവസാനിക്കുമെന്ന് പൊതുവിദ്യാഭ്യാസ മന്ത്രി വി ശിവൻകുട്ടി. എസ്എസ്എല്സി പരീക്ഷകള് മാര്ച്ച് 31 ന് ആരംഭിക്കും. ഏപ്രില് 29 വരെയാണ് പരീക്ഷകള് നടക്കുക. പ്ലസ് ടു പരീക്ഷകള് മാര്ച്ച് 30 മുതല് ഏപ്രില് 22 വരെ നടക്കും. വൊക്കേഷണല് ഹയര്സെക്കന്ഡറി രണ്ടാം വര്ഷ പരീക്ഷകള് മാര്ച്ച് 30 മുതല് ഏപ്രില് 22 വരെ നടക്കും.
ഏപ്രിൽ, മെയ് മാസങ്ങളിൽ മധ്യവേനൽ അവധിയായിരിക്കും. ജൂൺ ഒന്നിന് തന്നെ സ്കൂളുകൾ തുറക്കുമെന്നും അദ്ദേഹം പറഞ്ഞു. ജൂണ് ഒന്നിന് സ്കൂളുകള് തുറക്കും. സ്കൂള് തുറക്കുന്നതിന് മുന്നോടിയായി മെയ് 15 മുതല് വൃത്തിയാക്കല് ജോലികള് ആരംഭിക്കും. അദ്ധ്യാപകരുടെ പരിശീലന ക്യാംപുകള് മെയ് മാസത്തില് നടത്തുമെന്നും അടുത്ത വര്ഷത്തെ അക്കാദമിക്ക് കലണ്ടര് മെയ് മാസത്തില് പ്രസിദ്ധീകരിക്കുമെന്നും മന്ത്രി കൂട്ടിച്ചേർത്തു.