ആരാധകർ പ്രതീക്ഷയോടെ കാത്തിരിക്കുന്ന മോഹന്ലാല് ചിത്രം എമ്പുരാന്റെ ആദ്യ ടീസര് പുറത്തിറങ്ങി. ഇന്ന് വൈകുന്നേരം 07:07 ന് നടന്ന പ്രത്യേക പരിപാടിയിൽ നടൻ മമ്മൂട്ടിയാണ് ടീസർ പുറത്തിറക്കിയത്. മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ ഭാഷകളില് ടീസര് റിലീസ് ചെയ്തു. മുരളി ഗോപിയുടെ രചനയില് പൃഥ്വിരാജ് സുകുമാരന് സംവിധാനം ചെയ്യുന്ന എമ്പുരാന് മാര്ച്ച് 27-നാണ് തിയേറ്ററുകളിലെത്തുക.
ചിത്രത്തിന്റെ നിർമ്മാതാക്കളായ ആശീര്വാദ് സിനിമാസിന്റെയും ലെയ്ക്ക പ്രൊഡക്ഷൻസിന്റേയും ഔദ്യോഗിക യൂട്യൂബ് ചാനലുകളിലൂടെയാണ് ടീസര് സമൂഹ മാദ്ധ്യമങ്ങളിൽ എത്തിയത്. മോഹന്ലാല്, പൃഥ്വിരാജ് തുടങ്ങിയവര് ടീസര് സാമൂഹിക മാധ്യമ അക്കൗണ്ടുകളിലൂടെ പങ്കുവെച്ചു2019-ല് ഇറങ്ങിയ സൂപ്പര്ഹിറ്റ് ചിത്രം ലൂസിഫറിന്റെ തുടര്ച്ചയായെത്തുന്ന എല്2: എമ്പുരാന്. എട്ട് സംസ്ഥാനങ്ങളിലും നാല് രാജ്യങ്ങളിലുമായി 14 മാസം കൊണ്ടാണ് എമ്പുരാന് ചിത്രീകരണം പൂര്ത്തിയാക്കിയത്. മഞ്ജു വാര്യര്, സുരാജ് വെഞ്ഞാറമ്മൂട്, ഇന്ദ്രജിത്ത്, ഫാസില്, സാനിയ ഇയ്യപ്പന്, പൃഥ്വിരാജ്, നൈല ഉഷ, അര്ജുന് ദാസ് തുടങ്ങി വമ്പന് താരനിരയാണ് ചിത്രത്തിൽ അണിനിരക്കുന്നത്.
