പാറശാല: ഷാരോണ് രാജിനെ കൊല്ലാനായി കഷായത്തില് ചേര്ത്ത കീടനാശിനിയുടെ കുപ്പി കണ്ടെടുത്തു.ഗ്രീഷ്മയുടെ വീടിനടുത്തുള്ള രാമവര്മ്മന്ചിറ കുളത്തിന്റെ കരയില് വെച്ചാണ് കണ്ടെടുത്തത്. കാപ്പിക്യുവിന്റെ കുപ്പിയാണെന്നാണ് പോലീസ് നിഗമനം.ഗ്രീഷ്മയുടെ അമ്മയെയും അമ്മാവനെയും പങ്കെടുപ്പിച്ചുള്ള തെളിവെടുപ്പിലാണ് കുപ്പി കണ്ടെത്തിയത്.
കേസിലെ നിർണായക തെളിവാണ് മണിക്കൂറകൾക്കകം പോലീസ് കണ്ടെത്തിയത്. ഗ്രീഷ്മയുടെ അമ്മാവനാണ് കുപ്പി കാണിച്ചുകൊടുത്തത്. തമിഴ്നാട് പോലീസ് രാമവര്മ്മന്ചിറയിലെ വീട്ടിലെത്തി. വീട്ടിൽ വൻ പോലീസ് സുരക്ഷയാണ് ഒരുക്കിയിട്ടുള്ളത്.
