ഇക്കൊല്ലത്തെ മണ്സൂണ് കാല ട്രോളിംഗ് നിരോധനത്തിനായുള്ള തലസ്ഥാനത്തെ ഒരുക്കങ്ങൾ പൂർത്തിയായാതായി കളക്ടർ ജെറോമിക് ജോര്ജ് വ്യക്തമാക്കി.ഇതുമായി ബന്ധപ്പെട്ട് കളക്ടറേറ്റില് ചേര്ന്ന യോഗത്തില് സംസാരിക്കവേ ആയിരുന്നു അദ്ദേഹത്തിന്റെ പ്രതികരണം.ട്രോളിംഗ് സംബന്ധിച്ച നടപടികള് ഏകോപിപ്പിക്കുന്നതിന് വിഴിഞ്ഞം തുറമുഖത്ത് സബ് കളക്ടര് അശ്വതി ശ്രീനിവാസിനെയും മുതലപ്പൊഴിയില് എ.ഡി.എം ജെ. അനില് ജോസിനെയും നോഡല് ഓഫീസര്മാരായി നിയമിച്ചതായും കളക്ടര് പറഞ്ഞു.
അതേസമയം ജൂലായ് 31 അര്ദ്ധരാത്രിവരെ 52 ദിവസത്തേക്കാണ് നിരോധനം ഏര്പ്പെടുത്തുന്നത്.ട്രോളിംഗ് നിരോധനവുമായി ബന്ധപ്പെട്ട് മത്സ്യതൊഴിലാളികള്ക്കാവശ്യമായ എല്ലാവിധ അടിസ്ഥാന സൗകര്യങ്ങളും ഒരുക്കിയിട്ടുണ്ടെന്ന് കളക്ടര് വ്യക്തമാക്കി. ട്രോളിംഗ് നിരോധനം മറികടന്ന് അനധികൃത മത്സ്യബന്ധനം നടത്താന് അനുവദിക്കില്ലെന്നും കർശ്ശന നടപടികൾ സ്വീകരിക്കുമെന്നും അദ്ദേഹം വ്യക്തമാക്കി