തിരുവനന്തപുരം: തിരുവനന്തപുരം ശ്രീചിത്ര ആശുപത്രിയില്‍ പ്രവര്‍ത്തനം താളംതെറ്റുന്നു.ഡോക്ടറിന് കോവിഡ് 19 ബാധിച്ചാണ് ആശുപത്രിയുടെ പ്രവർത്തനം താളം തെറ്റാൻ കാരണം .ഒ.പി വിഭാഗം താല്‍ക്കാലികമായി നിര്‍ത്തി വെച്ചിരിക്കുകയാണ് .വൈറസ് ബാധിതനുമായി ഇടപഴകിയ 43 ഡോക്ടര്‍മാരടക്കം 76 പേര്‍ വീട്ടിലെ നിരീക്ഷണത്തിലാണ്.
ഇതിനിടെ ശനിയാഴ്ച ശ്രീചിത്രയില്‍ നടന്ന ഉന്നതതല യോഗത്തില്‍ കേന്ദ്രമന്ത്രി വി. മുരളീധരന്‍ പെങ്കടുത്തിരുന്നു. കോവിഡ് സ്ഥിരീകരിച്ച ഡോക്ടര്‍ യോഗത്തില്‍ പങ്കെടുത്തിട്ടില്ലെന്നാണ് വിവരം. സന്ദര്‍ശനത്തിന് മുന്‍പ് മൂന്ന് തവണ മന്ത്രിയുടെ ഓഫീസില്‍ നിന്ന് ശ്രീചിത്ര ഡയറക്ടറെ ബന്ധപ്പെട്ടിരുന്നു. എന്നാല്‍, ഡോക്ടര്‍ക്ക് ആദ്യ പരിശോധനയില്‍ കോവിഡ് 19 സ്ഥിരീകരിച്ചത് ഇവരെ അറിയിച്ചില്ലെന്ന് ആരോപണമുണ്ട്. അടിയന്തര ശസ്ത്രക്രിയകളൊഴികെ മറ്റുള്ളവയും മാറ്റിവെച്ചു.
