കോട്ടയം: വാടകവീട്ടില്‍ അതിക്രമിച്ചു കയറി വീട്ടുടമയുടെ പരാക്രമം. യുവാവിനെ അസഭ്യം പറയുകയും വീട്ടുപകരണങ്ങള്‍ നശിപ്പിക്കുകയും ചെയ്ത വീട്ടുടമസ്ഥൻ അറസ്റ്റിൽ. അയര്‍ക്കുന്നം പാണംകുന്നേല്‍പടി പാണംകുന്നേല്‍ ജോണ്‍ ചെറിയാനെ(46)യാണ് പോലീസ് അറസ്റ്റ് ചെയ്തത്.
ഇയാള്‍ തന്‍റെ വാടകവീട്ടിലെ താമസക്കാരനായ യുവാവിനെ അസഭ്യം പറഞ്ഞ് അപമാനിക്കുകയും വീട്ടുപകരണങ്ങള്‍ നശിപ്പിക്കുകയും ചെയ്തു. യുവാവിന്റെ പരാതിയിൽ അയര്‍ക്കുന്നം പോലീസ് കേസ് രജിസ്റ്റര്‍
ചെയ്യുകയും ഇയാളെ അറസ്റ്റ് ചെയ്യുകയുമായിരുന്നു.
