പത്തനംതിട്ടയിലെ നരബലി! മൃതദേഹാവശിഷ്ടങ്ങൾ വീടിന്റെ സമീപത്ത് നിന്നും കണ്ടെത്തി, ഡിഎൻഐ പരിശോധനയ്‌ക്ക് അയക്കും: പ്രതികൾ പോലീസ് കസ്റ്റഡിയിൽ

പത്തനംതിട്ട : കേരളത്തെ ഞെട്ടിച്ച ഇലന്തൂരിലെ ആഭിചാര കൊലപാതകത്തിൽ മൃതദേഹാവശിഷ്ടങ്ങൾ കണ്ടെത്തി. പത്തനംതിട്ട ഇലന്തൂരിലുള്ള വീടിന് സമീപത്ത് നിന്നാണ് മൃതദേഹാവശിഷ്ടം കണ്ടെത്തിയത്. എന്നാൽ ഡിഎൻഐ പരിശോധനയ്‌ക്ക് ശേഷം മാത്രമേ ഇത് ആരുടേതാണെന്ന് വ്യക്തമാകൂ. സംഭവത്തിൽ പ്രതികളായ മൂന്ന് പേരെ കസ്റ്റഡിയിൽ എടുത്തിട്ടുണ്ട്.

നീലച്ചിത്രത്തിൽ അഭിനയിച്ചാൽ പണം തരാമെന്ന് പറഞ്ഞ് വഞ്ചിച്ചാണ് രണ്ട് സ്ത്രീകളെ ആഭിചാര കൊലയ്‌ക്ക് ഇരയാക്കിയത്. ജൂൺ ആറിനാണ് റോസ്ലിയെ കാണാതായത്. തുടർന്ന് ഓഗസ്റ്റ് 17 ന് മകൾ പോലീസിൽ പരാതി നൽകി. സെപ്റ്റംബർ 26 ന് പത്മയെയും കാണാതായി. പിന്നാലെ ഇവരുടെ സഹോദരിയും പരാതി നൽകുകയായിരുന്നു.

സിപിഎം സജീവ പ്രവർത്തകനായ ഭഗവൽ സിംഗും ഭാര്യയും മന്ത്രവാദിയായ റഷീദും ചേർന്നാണ് ഇരുവരെയും പൈശാചികമായി കൊലപ്പെടുത്തിയത്. ആദ്യം ഇവർ റോസ്ലിയെയാണ് കൊണ്ടുപോയത്. വീട്ടിലെത്തിച്ച റോസ്ലിയെ പ്രത്യേകം തയ്യാറാക്കിയ പൂജാമുറിയിൽ കട്ടിലിൽ കെട്ടിയിട്ടു. സിനിമയിൽ സ്വാഭാവികതയ്‌ക്ക് വേണ്ടിയാണ് ഇത് ചെയ്യുന്നത് എന്നാണ് ഇവർ പറഞ്ഞത്.

തുടർന്ന് സിദ്ധൻ ചുറ്റിക കൊണ്ട് തലയ്‌ക്കടിക്കുകയായിരുന്നു. ശേഷം ലൈല റോസ്ലിയുടെ കഴുത്തറുത്തു. ജീവനുവേണ്ടി റോസ്ലി പിടയുമ്പോൾ ലൈല കത്തി അവരുടെ രഹസ്യ ഭാഗത്ത് കുത്തിയിറക്കി. അവിടെ നിന്ന് ചീറ്റിയ ചുടുചോരയെടുത്ത് വീടിന് ചുറ്റും തളിക്കുകയും ചെയ്തു.

ശാപമോക്ഷം ലഭിക്കാനും ഐശ്വര്യത്തിനും വേണ്ടിയാണ് ഇങ്ങനെ ചെയ്തത്. സ്ത്രീയുടെ അവയവങ്ങളും ഇവർ മുറിച്ചെടുത്തു. രണ്ടാമത്തെ സ്ത്രീയെ കൊലപ്പെടുത്തിയതും ഇതേ രീതിയിലായിരുന്നു.