തുർക്കി ദുരന്തം ;വിമാനത്താവളത്തിന്റെ റൺവേ രണ്ടായി പിളർന്നു, വിമാനസർവീസുകൾ നിർത്തിവെച്ചു

തുർക്കിയിൽ വൻ ദുരന്തത്തിന് വഴിവെച്ച ഭൂകമ്പത്തിൽ വിമാനത്താവളത്തിന്റെ റൺവേ രണ്ടായി പിളർന്നു. ഹതായ് പ്രവിശ്യയിലെ റൺവേയാണ് തകർന്നത്. റൺവേയിലെ ടാർമാർക്ക് രണ്ടായി പിളർന്നു. ഇതോടെ മുഴുവൻ വിമാന സർവീസുകളും നിർത്തിവെച്ചു

തിങ്കളാഴ്ചയുണ്ടായ ഭൂകമ്പം പതിറ്റാണ്ടുകൾക്ക് ശേഷമുള്ള തുർക്കിയിലെ ഏറ്റവും വലിയ ദുരന്തമാണെന്ന് പ്രസിഡന്റ് റജബ് ത്വയിപ് ഉർദുഗാൻ പറഞ്ഞു. തുർക്കിയിൽ മാത്രം 2900 പേരാണ് മരിച്ചത്. സിറിയയിൽ 1400 പേരും മരിച്ചു. ഇരു രാജ്യങ്ങളിലും മരണസംഖ്യ പതിന്മടങ്ങ് ഉയർന്നേക്കുമെന്നാണ് ലോകാരോഗ്യ സംഘടന പറയുന്നത്.