ദില്ലി: പുതിയ പാർലമെന്റ് മന്ദിരം രാഷ്ട്രപതി ഉദ്ഘാടനം ചെയ്യണമെന്ന ഹർജി സുപ്രീംകോടതി തള്ളി. അഭിഭാഷകനായ ജസ്റ്റിസ് സി.ആര്. ജയസുകിന് സമര്പ്പിച്ച ഹര്ജിയാണ് സുപ്രീംകോടതി തള്ളിയത്. പുതിയ പാര്ലമെന്റ് കെട്ടിടത്തിന്റെ ഉദ്ഘാടനത്തിന് രാഷ്ട്രപതിയെ ക്ഷണിക്കാത്ത ലോക്സഭാ സെക്രട്ടേറിയറ്റ് നടപടി ഭരണഘടനാ വിരുദ്ധമാണെന്നായിരുന്നു ഹര്ജിക്കാരന്റെ വാദം.
ജസ്റ്റിസുമാരായ ജെ.കെ. മഹേശ്വരി, പി.എസ്. നരസിംഹ എന്നിവരുടെ അവധിക്കാല ബെഞ്ചാണ് ഹര്ജി പരിഗണിച്ചത്. ആര്ട്ടിക്കിള് 32 പ്രകാരം ഇത്തരം ഹര്ജികളില് ഇടപെടാന് അധികാരമില്ലെന്ന് കോടതി ചൂണ്ടിക്കാട്ടുകയായിരുന്നു. കൂടാതെ ഭരണഘടനപ്രകാരം രാഷ്ട്രപതിയാണ് ഉദ്ഘാടനം നടത്തേണ്ടതെന്ന ഹര്ജിക്കാരന്റെ വാദം കോടതി അംഗീകരിച്ചില്ല. അതേസമയം, ഹര്ജി പിന്വലിക്കാന് ഹര്ജിക്കാരന് അനുമതി തേടിയെങ്കിലും കോടതി അനുവദിച്ചില്ല. ഹര്ജി പിന്വലിക്കാന് അനുവദിച്ചാല് ഹൈക്കോടതിയെ സമീപിക്കാന് കഴിയുമെന്നത് ചൂണ്ടിക്കാട്ടിയായിരുന്നു അനുമതി നിഷേധിച്ചത്.
