അമിതമായി മദ്യപിക്കുന്നവര്ക്ക് മറ്റുള്ളവരേക്കാള് വേഗം പ്രായമാകുമെന്ന് പുതിയ പഠനം. ആഴ്ചയില് അഞ്ച് ഗ്ലാസില് കൂടുതല് വൈന് കഴിക്കുന്നവരുടെ ജൈവ ഘടികാരം മറ്റുള്ളവരേക്കാള് വേഗത്തിലാകുമെന്നാണ് ഓക്സ്ഫോര്ഡ് സര്വകലാശാലയിലെ പഠനസംഘം കണ്ടെത്തിയിരിക്കുന്നത്. അമിതമായി മദ്യപിക്കുന്നവരുടെ ബയോളജിക്കല് ഏജ് മറ്റുള്ളവരേക്കാള് 6 വയസോളം കൂടുതലാകാമെന്നാണ് ഗവേഷണത്തിലെ കണ്ടെത്തല്.
മോളിക്യുലാര് സൈക്യാട്രി ജേര്ണലിലാണ് ഡോ അന്യ ടോപിവാലയുടെ നേതൃത്വത്തിലുള്ളെ സംഘം നടത്തിയ ഗവേഷണത്തെ പറ്റിയുള്ള വിവരങ്ങളുള്ളത്. വാര്ധക്യജനകമായ അസുഖങ്ങളും അല്ഷിമേഴ്സ് രോഗവും ഇവരില് വരാന് സാധ്യത കൂടുതലാണെന്നും പഠനത്തില് പറയുന്നു.