തിരുവനന്തപുരം: കെഎസ്‌ഇബി ചെയര്മാന് എം.ശിവശങ്കര്‍ ഐ എ എസിനെതിരെ മുഖ്യതിരഞ്ഞെടുപ്പ് ഓഫീസര്‍ ടിക്കാറാം മീണ കാരണം കാണിക്കല്‍ നോട്ടീസ് നല്‍കി. വൈദ്യുതി പോസ്റ്റുകളിലെ തിരഞ്ഞെടുപ്പ് പരസ്യങ്ങള്‍ നീക്കം ചെയ്തതു സംബന്ധിച്ച റിപ്പോര്‍ട്ട് നല്‍കാത്തതിനെതിരെയാണ് നടപടി.
വൈദ്യുതി പോസ്റ്റുകളില്‍ പതിപ്പിച്ചിരിക്കുന്ന നോട്ടീസുകളും,പോസ്റ്ററുകളും നീക്കം ചെയ്ത പതിനഞ്ച് ദിവസത്തിനകം റിപ്പോര്‍ട്ട് സമര്‍പ്പിക്കണമെന്ന് തിരഞ്ഞെടുപ്പ് കമ്മീഷന്‍ ആവശ്യപ്പെട്ടിരുന്നു. എന്നാല്‍ തുടര്‍നടപടികള്‍ സ്വീകരിക്കാത്തതാണ് കെഎസ്‌ഇബി ചെയര്മാന് വിനയായത്. ചെയര്‍മാനെതിരായ തുടര്‍നടപടികള്‍ മറുപടി ലഭിച്ചതിന് ശേഷം കൈക്കൊള്ളുമെന്നും ടിക്കാറാം മീണ പറഞ്ഞു.
