കൊച്ചി: പെട്രോൾപമ്പിലെ ശുചിമുറി വിഷയവുമായി ബന്ധപ്പെട്ട ഉത്തരവ് ഭേദഗതി ചെയ്ത് ഹൈക്കോടതി !പെട്രോള് പമ്പുകളിലെ ശൗചാലയം ഉപഭോക്താക്കള്ക്ക് മാത്രം ഉപയോഗിക്കാനുള്ളതാണെന്ന ഇടക്കാല ഉത്തരവാണ് കോടതി തിരുത്തിയത്. പുതുക്കിയ ഉത്തരവിൽ ദേശീയ പാതയ്ക്ക് സമീപത്തുള്ളതടക്കം എല്ലാ പെട്രോള് പമ്പുകളും 24 മണിക്കൂറും പൊതുജനങ്ങള്ക്ക് തുറന്ന് കൊടുക്കണമെന്ന് ഹൈക്കോടതി പറയുന്നു.
മറ്റ് ഇടങ്ങളിലുള്ള പെട്രോൾ പമ്പുകളിൽ പൊതുജനങ്ങൾക്ക് പ്രവേശനം ഉണ്ടാകില്ല. സുരക്ഷാ പ്രശ്നങ്ങൾ ഉണ്ടെങ്കിൽ മാത്രമേ പൊതുജനങ്ങളെ തടയാവൂ എന്നും ഹൈക്കോടതി വ്യക്തമാക്കി.
സുരക്ഷാ പ്രോട്ടോക്കോള് പരിഗണനകള്ക്ക് വിധേയമായി, ശൗചാലയം ഉപയോഗിക്കാന് ആവശ്യപ്പെടുന്ന ഏതൊരു വ്യക്തിക്കും പ്രവേശനം അനുവദിക്കണം.
സംസ്ഥാന സര്ക്കാരും തദ്ദേശ സ്വയംഭരണ സ്ഥാപനങ്ങളും പമ്പുകളിലെ ടോയ്ലറ്റുകള് പൊതു ടോയ്ലറ്റുകളാക്കി മാറ്റാനുള്ള ശ്രമങ്ങളെ ചോദ്യം ചെയ്ത് പെട്രോളിയം ട്രേഡേഴ്സ് വെല്ഫെയര് ആന്ഡ് ലീഗല് സര്വീസ് സൊസൈറ്റിയും അഞ്ച് പെട്രോളിയം റീട്ടെയിലര്മാരും സമര്പ്പിച്ച റിട്ട് ഹര്ജിയിലാണ് ജസ്റ്റിസ് സി.എസ്. ഡയസ് ഇന്ന് ഉത്തരവ് ഭേദഗതി ചെയ്തത്.
പെട്രോളിയം ട്രേഡേഴ്സ് അസോസിയേഷൻ നൽകിയ ഹർജിയിലായിരുന്നു ഹൈക്കോടതി ഉത്തരവ്. പമ്പുകളിലെ ശുചിമുറി പൊതുജനാവശ്യത്തിന് ഉപയോഗിക്കാമെന്ന് നേരത്തെ സർക്കാർ വിജ്ഞാപനം ചെയ്തിരുന്നു. ഇത് ചോദ്യം ചെയ്താണ് പെട്രോളിയം ട്രേഡേഴ്സ് ആൻഡ് ലീഗൽ സർവീസ് സൊസൈറ്റി നേരത്തെ ഹൈക്കോടതിയെ സമീപിച്ചത്.
