തിരുവനന്തപുരം: കേരളത്തിൽ നവംബര്‍ 17 മുതല്‍ 19 വരെ ട്രെയിന്‍ നിയന്ത്രണം. പൂങ്കുന്നം, തൃശൂര്‍ യാര്‍ഡുകളില്‍ നവീകരണം നടക്കുന്നതിനാല്‍ നവംബര്‍ 17 മുതല്‍ 19 വരെ ട്രെയിന്‍ ഗതാഗതത്തില്‍ നിയന്ത്രണം ഏര്‍പ്പെടുത്തുമെന്നാണ് അറിയിപ്പ്. മൂന്ന് ട്രെയിനുകള്‍ റദ്ദാക്കി. ആറ് ട്രെയിനുകള്‍ ഭാഗികമായി റദ്ദാക്കും. മൂന്ന് ട്രെയിനുകള്‍ വൈകുമെന്നും റിപ്പോര്‍ട്ടുകള്‍ ഉണ്ട്.
റദ്ദാക്കുന്ന ട്രെയിനുകള്‍ :
06449 എറണാകുളം -ആലപ്പുഴ (നവംബര്‍ 18), 06452 ആലപ്പുഴ-എറണാകുളം (18), 06017 ഷൊര്‍ണൂര്‍-എറണാകുളം മെമു (18)
വൈകുന്നവ ട്രെയിനുകൾ :
16 ന് ഹസ്രത്ത് നിസാമുദ്ദീന്‍-എറണാകുളം ജങ്ഷന്‍ മംഗള സ്പെഷല്‍ (02618) യാത്രമധ്യേ 25 മിനിറ്റ് വൈകും. 18 നുള്ള എറണാകുളം-കണ്ണൂര്‍ ഇന്‍റര്‍സിറ്റി (06305) വഴിമധ്യേ 10 മിനിറ്റ് വൈകും. 18 ന് കൊച്ചുവേളി-ലോകമാന്യതിലക് സൂപ്പര്‍ ഫാസ്റ്റ് (01214) വഴിമധ്യേ 50 മിനിറ്റ് വൈകും.
