തിരുവനന്തപുരം: ലിംഗമാറ്റ ശസ്ത്രക്രിയയ്ക്ക് വിധേയരാകുന്നവര്ക്ക് ധനസഹായം നല്കുന്ന സര്ക്കാര് പദ്ധതിയില് സ്വകാര്യ ആശുപത്രികളെക്കൂടി ഭാഗമാക്കി. ഇതോടെ ട്രാന്സ്ജെന്ഡേഴ്സിന്റെ ലിംഗമാറ്റ ശസ്ത്രക്രിയ ഇനി മുതല് സ്വകാര്യ ആശുപത്രികളില് പണം നല്കാതെ ചെയ്യാം.
സര്ക്കാര് ആശുപത്രികളില് ശസ്ത്രക്രിയയ്ക്കുള്ള സംവിധാനമില്ലാത്തതിനാല് സ്വകാര്യ ആശുപത്രികളെയാണ് സര്ക്കാര് ഈ പദ്ധതിയിന് കീഴില് കൊണ്ടുവരുന്നത്. രണ്ടുലക്ഷം രൂപവരെ സാമ്പത്തിക സഹായമാണ് സര്ക്കാര് ഇതിനായി അനുവദിച്ചിരിക്കുന്നത്.
20ലക്ഷം രൂപയാണ് കഴിഞ്ഞ സാമ്പത്തിക വര്ഷത്തില് സര്ക്കാര് ഇതിനായി മാറ്റിവെച്ചത്. ഇതില് 18 പേര് ഗുണഭോക്താക്കളായി. ഈ വര്ഷം 40 ലക്ഷം രൂപ നീക്കിവെക്കാനും കൂടുതല് പേര്ക്ക് ശസ്ത്രക്രിയ ചെയ്യാനുമുള്ള അവസരമാണ് സര്ക്കാര് ഒരുക്കുന്നത്. പദ്ധതിപ്രകാരം കേരളത്തിനു പുറത്തുള്ളവര്ക്കും ഗുണഭോക്താക്കളാകാവുന്നതാണ്.
