TRCMRP പദ്ധതി വെറും മറ മാത്രം ! ബംഗ്ളാദേശും ചൈനയും ഒരുക്കുന്നത് വൻ ചതി

ബംഗ്ലാദേശിൽ അധികാരമേറ്റ താരിഖ് റഹ്മാന്റെ നേതൃത്വത്തിലുള്ള പുതിയ സർക്കാർ, തങ്ങളുടെ നിർണ്ണായകമായ തീസ്ത നദി പുനരുദ്ധാരണ പദ്ധതിക്കായി ചൈനയുടെ സഹായം ഔദ്യോഗികമായി തേടിയത് ദക്ഷിണേഷ്യൻ ഭൗമരാഷ്ട്രീയത്തിൽ പുതിയ ചർച്ചകൾക്ക് വഴിതുറന്നിരിക്കുകയാണ്. ബംഗ്ലാദേശ് വിദേശകാര്യ മന്ത്രി ഖലീലൂർ റഹ്മാനും ചൈനീസ് വിദേശകാര്യ മന്ത്രി വാങ് യിയും തമ്മിൽ ബീജിംഗിൽ നടത്തിയ കൂടിക്കാഴ്ചയിൽ ‘തീസ്ത റിവർ കോംപ്രിഹെൻസീവ് മാനേജ്‌മെന്റ് ആൻഡ് റെസ്റ്റോറേഷൻ പ്രോജക്റ്റ്’ (TRCMRP) പ്രധാന ചർച്ചാവിഷയമായി. സിക്കിമിലെ ഹിമാലയൻ പർവ്വതനിരകളിൽ നിന്ന് ഉത്ഭവിച്ച് പശ്ചിമ ബംഗാളിലൂടെ ഒഴുകി ബംഗ്ലാദേശിലേക്ക് പ്രവേശിക്കുന്ന തീസ്ത നദി, ദശലക്ഷക്കണക്കിന് ആളുകളുടെ ഉപജീവനമാർഗ്ഗവും കൃഷിക്കായുള്ള പ്രധാന ജലസ്രോതസ്സുമാണ്. ഇന്ത്യയുമായി ദീർഘകാലമായി നിലനിൽക്കുന്ന ജലം പങ്കുവെക്കൽ തർക്കങ്ങൾക്കിടയിൽ, ഈ പദ്ധതിക്കായി ചൈനയെ കൂട്ടുപിടിക്കാനുള്ള ബംഗ്ലാദേശിന്റെ നീക്കം ദില്ലിയും ധാക്കയും തമ്മിലുള്ള ബന്ധത്തിൽ നിഴൽ വീഴ്ത്താൻ സാധ്യതയുണ്ട്. #bangladesh #tariquerahman #teestariver #china #geopolitics #indiabangladesh #teestaproject #southasia #foreignpolicy #beijing #teestawatersharing #khallilurrahman #wangyi #diplomacy #rivermanagement