തിരുവനന്തപുരം: വാളയാര് സംഭവത്തില് പ്രതിഷേധിച്ച് അടുത്ത മാസം അഞ്ചിന് പാലക്കാട് ജില്ലയില് യുഡിഎഫ് ഹര്ത്താലിന് ആഹ്വാനം ചെയ്തു. പ്രതികളെ സിപിഎം സംരക്ഷിക്കുന്നുവെന്ന ആരോപണം ശക്തമാകുന്നതിനിടെയാണ് പ്രതിപക്ഷം ഹര്ത്താലിന് ആഹ്വാനം ചെയ്തിരിക്കുന്നത്.
വാളയാര് കേസില് തെളിവുകളുടെ അഭാവത്തില് പ്രതികളെ കുറ്റവിമുക്തരാക്കിയതിന് പിന്നാലെ സര്ക്കാരിന്റെ ഭാഗത്ത് നിന്ന് ഇക്കാര്യത്തില് ബോധപൂര്വമായ വീഴ്ച ഉണ്ടായെന്ന് പ്രതിപക്ഷം ആരോപിച്ചിരുന്നു. കേസില് പുനരന്വേഷണം വേണമെന്ന ആവശ്യം ശക്തമായിരിക്കുകയാണ്.
