നോയിഡ: കാറില്‍ സൂക്ഷിച്ച വാട്ടര്‍ബോട്ടില്‍ യുവ എഞ്ചിനീയര്‍മാരുടെ ജീവനെടുത്തു. കാറില്‍ വെള്ളം കുടിക്കാനായിസൂക്ഷിച്ചിരുന്ന ഒരു കുപ്പിയാണ് എന്‍ജിനീയര്‍ക്ക് ജീവന്‍ നഷ്ടമാകാന്‍ കാരണമായത്‌.
ഡല്‍ഹിയില്‍ താമസിക്കുന്ന എഞ്ചിനീയറായ അഭിഷേക് ഝാ സുഹൃത്തിനൊപ്പം ഗ്രേറ്റര്‍ നോയിഡയിലേക്ക് പോകുകയായിരുന്നു. ഈ സമയം ഇയാളുടെ കാര്‍ റോഡരികില്‍ നിര്‍ത്തിയിട്ടിരുന്ന ട്രക്കില്‍ ഇടിക്കുകയായിരുന്നു. സുഹൃത്തിന് ഗുരുതരമായി പരിക്കേറ്റു. വാഹനത്തിലെ വെള്ളക്കുപ്പിയാണ് അപകട കാരണമെന്ന് പോലീസ് പറഞ്ഞു.
അഭിഷേക്കാണ് കാര്‍ ഓടിച്ചിരുന്നതെന്ന് പോലീസ് പറഞ്ഞു. സീറ്റിനു പിന്നില്‍ വച്ചിരുന്ന വെള്ളക്കുപ്പി അഭിഷേകിന്റെ കാല്‍ക്കീഴില്‍ തെന്നി വീണു. ട്രക്ക് അടുത്തെത്തിയപ്പോള്‍ കാര്‍ നിര്‍ത്താന്‍ അഭിഷേക് ബ്രേക്ക് അമര്‍ത്തി. ബ്രേക്ക് ചവിട്ടുന്നതിനിടെ മറിഞ്ഞു കിടന്ന വെള്ളക്കുപ്പി മൂലം ബ്രേക്കുകള്‍ കുടുങ്ങി, കാര്‍ ട്രക്കില്‍ ഇടിച്ചു. ഗ്രേറ്റര്‍ നോയിഡയിലെ ഒരു കമ്ബനിയിലാണ് അഭിഷേക് ഝാ ജോലി ചെയ്തിരുന്നത്.
സെക്ടര്‍ 144ന് സമീപം ട്രക്ക് ബ്രേക്ക് ഡൗണായി റോഡരികില്‍ നിര്‍ത്തിയിട്ടിരിക്കുകയായിരുന്നു. ബ്രേക്കില്ലാത്തതിനാല്‍ കാര്‍ ട്രക്കുമായി കൂട്ടിയിടിക്കുകയായിരുന്നുവെന്ന് പോലീസ് പറഞ്ഞു.
