ഉ​ത്ത​ര കൊ​റി​യ​ൻ ഏകാധിപതി കിം ​ജോ​ങ് ഉന്നുമായി വ്‌ളാഡിമിർ പു​ട്ടിൻ കൂടിക്കാഴ്ചയ്‌ക്കൊരുങ്ങുന്നുവെന്ന് റിപ്പോർട്ട് ! കൂടിക്കാഴ്ച നടക്കുക റഷ്യയിൽ വച്ച് ; യുക്രെയ്ൻ യുദ്ധത്തിൽ റഷ്യക്ക് സ​ഹാ​യം ന​ൽ​കു​ന്ന​തു​ സംബ​ന്ധി​ച്ച് ഇരു നേതാക്കളും ചർച്ച നടത്തിയേക്കും

സോ​ൾ : റഷ്യ- യുക്രെയ്ൻ യുദ്ധം രൂക്ഷമായി തുടരുന്നതിനിടെ ഉ​ത്ത​ര കൊ​റി​യ​ൻ ഏകാധിപതി കിം ​ജോ​ങ് ഉൻ ഈ ​മാ​സം അവസാന വാരത്തോടെ റ​ഷ്യ സ​ന്ദ​ർ​ശി​ച്ച് പ്ര​സി​ഡ​ന്റ് വ്‌ളാഡിമിർ പു​ട്ടിനു​മാ​യി ഉഭയകക്ഷി ചർ​ച്ചകൾ ന​ട​ത്തു​മെ​ന്ന് റി​പ്പോ​ർ​ട്ട്. യു​ദ്ധ​ത്തി​ൽ റ​ഷ്യ​ക്ക് ആ​യു​ധ സ​ഹാ​യം ന​ൽ​കു​ന്ന​തു​ സം​ബ​ന്ധി​ച്ച് ഇരു നേതാക്കളും നടത്തുന്ന സുപ്രധാന ചർച്ചകളും ഇതിലുൾപ്പെടും എന്നാണ് വിവരം. അ​മേ​രി​ക്കയാണ് ഇ​തു​സംബ​ന്ധി​ച്ച റിപ്പോർട്ട് പു​റ​ത്തു​വി​ട്ട​ത്. എന്നാൽ ഇക്കാര്യം റഷ്യയോ ഉത്തരകൊറിയയോ സ്ഥിരീകരിച്ചിട്ടില്ല . എ​വി​ടെ​വെ​ച്ചാ​ണ് ച​ർ​ച്ച ന​ട​ക്കു​ക​യെ​ന്ന കാ​ര്യ​ത്തിലും നിലവിൽ വ്യക്ത​ത ലഭിച്ചിട്ടില്ല.

പ്ര​ത്യേ​ക സു​ര​ക്ഷ​യൊ​രു​ക്കി​യ ട്രെ​യി​നി​ലാ​യി​രി​ക്കും കിം ​യാ​ത്ര ചെ​യ്യു​ക​യെ​ന്ന് ഒരു അന്താരാഷ്ട്ര മാദ്ധ്യമം റിപ്പോർട്ട് ചെയ്തു.നേരത്തെ റ​ഷ്യ​ൻ പ്ര​തി​രോ​ധ മ​ന്ത്രി സെ​ർ​ജി ഷൊ​യ്ഗു ന​ട​ത്തി​യ ഉ​ത്ത​ര കൊ​റി​യ​ൻ സ​ന്ദ​ർ​ശ​ന​ത്തി​നി​ടെ റ​ഷ്യ​ക്ക് ആ​യു​ധം വി​ൽ​ക്കു​ന്ന​ത് സം​ബ​ന്ധി​ച്ച് ച​ർ​ച്ച ന​ട​ത്തി​യ​താ​യി അമേരിക്കൻ ദേ​ശീ​യ സുരക്ഷാ കൗ​ൺ​സി​ൽ ഉ​പ​ദേ​ഷ്ടാ​വ് ജോ​ൺ കി​ർ​ബി ആരോപിച്ചിരുന്നു.

ഹ്വാ​സോ​ങ് ഭൂ​ഖ​ണ്ഡാ​ന്ത​ര ബാ​ലി​സ്റ്റി​ക് മി​സൈ​ൽ ഉ​ൾ​പ്പെ​ടെ​യു​ള്ള പല മാരക ആ​യു​ധ​ങ്ങ​ളും റ​ഷ്യ​ൻ പ്ര​തി​രോ​ധ മ​ന്ത്രിയുടെ സ​ന്ദ​ർ​ശ​ന വേ​ള​യി​ൽ ഉത്തരകൊറിയ പ്ര​ദ​ർ​ശി​പ്പി​ച്ചി​രു​ന്നു. കോ​വി​ഡ് കാലഘട്ടത്തിന് ശേഷം ഉ​ത്ത​ര കൊ​റി​യയിൽ എത്തിയ ആദ്യ വി​ദേ​ശ അ​തി​ഥിയായിരുന്നു സെ​ർ​ജി ഷൊ​യ്ഗു. സന്ദർശന വേളയിൽ ഉ​ഭ​യ​ക​ക്ഷി ബന്ധം ശ​ക്തി​പ്പെ​ടു​ത്തു​ന്ന​തു സം​ബ​ന്ധി​ച്ച പു​ട്ടി​ന്റെ​യും കി​മ്മി​​ന്റെ​യും ക​ത്തു​ക​ൾ കൂ​ടി​ക്കാ​ഴ്ച​ക്കി​ടെ കൈ​മാ​റു​ക​യും ചെ​യ്തു.

ആ​യു​ധ​ങ്ങ​ൾ ന​ൽ​കു​ന്ന​തി​ന് പ​ക​ര​മാ​യി റ​ഷ്യ​ എന്താകും ഉ​ത്ത​ര കൊ​റി​യ​ക്ക് പ്രതിഫലമായി നൽകുകയെന്ന ആശങ്കയിലാണ് അ​മേ​രി​ക്ക​യും ദ​ക്ഷി​ണ കൊ​റി​യ​യും. അ​മേ​രി​ക്ക​യും ദ​ക്ഷി​ണ കൊ​റി​യ​യും ജ​പ്പാ​നും ന​ട​ത്തി​യ​തി​ന് സ​മാ​ന​മാ​യി റ​ഷ്യ​യും ചൈ​ന​യും ഉ​ത്ത​ര കൊ​റി​യ​യും സം​യു​ക്ത സൈ​നി​ക പ​രി​ശീ​ല​നം നടത്തണ​മെ​ന്ന നി​ർ​ദേ​ശം റ​ഷ്യ​ൻ പ്ര​തി​രോ​ധ മ​ന്ത്രി മു​ന്നോ​ട്ടു​വെ​ച്ച​താ​യി ദ​ക്ഷി​ണ കൊ​റി​യ​യു​ടെ ഇന്റലിജൻസ് ഏജൻസി റിപ്പോർട്ട് ചെയ്തിരുന്നു. നേരത്തെയും റഷ്യ- യുക്രെയ്ൻ യുദ്ധമുഖത്ത് ഉത്തര കൊറിയൻ ആയുധങ്ങളുടെ സാന്നിദ്ധ്യം നേരത്തെയും സ്ഥിരീകരിച്ചിട്ടുണ്ട്. ആയുധങ്ങൾ വികസിപ്പിക്കുന്നതിലുള്ള അന്താരാഷ്ട്ര സുരക്ഷാ മാനദണ്ഡങ്ങൾ പാലിക്കാത്ത ഉത്തരകൊറിയ അതീവ വിനാശകാരികളായ ആയുധങ്ങൾ റഷ്യക്ക് കൈമാറുമോ എന്ന ഭയത്തിലാണ് ലോകം