തടി കുറയ്ക്കണോ ? ഈ ഭക്ഷണങ്ങള്‍ ഇങ്ങനെ കഴിച്ചു നോക്കൂ …

തടി കുറയ്ക്കുക എന്നത് പലര്‍ക്കുമുള്ള ലക്ഷ്യമാണെങ്കിലും ഇത് സാധിയ്ക്കാത്തവരാണ് ഭൂരിഭാഗവും.അതിന് പ്രധാന കാരണം മടി തന്നെയാണ്.കഴിക്കുന്ന ഭക്ഷണം ഉള്‍പ്പെടെ, വ്യായാമക്കുറവ് ഉള്‍പ്പെടെ, തൈറോയ്ഡ് അടക്കമുള്ള പല രോഗങ്ങള്‍ ഉള്‍പ്പെടെ അമിത വണ്ണത്തിന് കാരണമാകാം.

തടി കൂടാന്‍ പ്രധാന കാരണം കഴിക്കുന്ന ഭക്ഷണരീതിയും ശീലവും തന്നെയാണ്. തടി കൂറയ്ക്കാന്‍ സഹായിക്കുന്ന ചല ഭക്ഷണങ്ങളുമുണ്ട്. ഇത്തരത്തിലെ ചില ഭക്ഷണങ്ങളെ കുറിച്ച് അറിയാം …

ചക്ക

നമ്മുടെ നാട്ടില്‍ ലഭ്യമായ ഭക്ഷണങ്ങളില്‍ പ്രധാനപ്പെട്ട, പലര്‍ക്കും പ്രിയങ്കരമായ ഒന്നാണ് ചക്ക. വേനല്‍ക്കാലത്ത് സുലഭമായി ഉണ്ടാകുന്ന ഇത് രുചികരവും പല വിഭവങ്ങള്‍ ഉണ്ടാക്കാനും കഴിയുന്ന ഒന്നാണ്. തടി കുറയ്ക്കാന്‍ സഹായിക്കുന്ന ഭക്ഷണങ്ങളില്‍ പ്രധാനപ്പെട്ടതാണ് ചക്ക.ചക്ക തടി കൂട്ടുമെന്ന ഭയം വേണ്ട. വേണ്ട രീതിയില്‍ കഴിച്ചാല്‍ ഇത് തടി കുറയ്ക്കാന്‍ സഹായിക്കും. ഇത് വറുത്തല്ല, പഴുത്തതല്ല, പകരം പച്ച പുഴുക്കോ പുഴുങ്ങിയോ കഴിയ്ക്കാം. പുഴുക്കാണെങ്കില്‍ അധികം തേങ്ങാ ചേര്‍ക്കാതെ ഉണ്ടാക്കാം. ഇതിനൊപ്പം മറ്റു ഭക്ഷണങ്ങള്‍ കഴിയ്ക്കാതെ ഇത് പ്രധാന ഭക്ഷണമായ കഴിയ്ക്കാം.

ചോറിനൊപ്പം ചക്ക, അല്ലെങ്കില്‍ ചക്കയ്‌ക്കൊപ്പം മറ്റ് ഭക്ഷണം എന്നിങ്ങനെ പാടില്ല. പകരം ഒരു നേരത്തെ ഭക്ഷണമായി ഇത് കഴിയ്ക്കാം. തടി കുറയ്ക്കാന്‍ നല്ലതാണ്. പൊറോട്ട ആരോഗ്യം കേടാക്കാതെ കഴിയ്ക്കാന്‍ ഈ വഴികള്‍​

റോബസ്റ്റ പഴം

റോബസ്റ്റ പഴം ഇതു പോലെ തടി കുറയ്ക്കാന്‍ സഹായിക്കുന്ന ഒന്നാണ്. ഇത് കൂടുതല്‍ പഴുത്തതല്ല, അല്‍പം പച്ചപ്പോടെയെങ്കില്‍ ഏറെ നല്ലതാണ്. ഇതും മറ്റുള്ള ഭക്ഷണത്തിനൊപ്പം സപ്ലിമെന്റ് എന്ന രീതിയില്‍ അല്ല കഴിയ്‌ക്കേണ്ടത്. മറിച്ച് ഒരു നേരത്തെ ഭക്ഷണം എന്ന രീതിയിലാണ്.അതായത് ഒരു നേരത്തെ ഭക്ഷണത്തിന് പകരം ഒന്നല്ല, രണ്ടോ മൂന്നോ റോബസ്റ്റ കഴിയ്ക്കാം. ഇതില്‍ കൊഴുപ്പ് തീരെ കുറവാണ്. വല്ലാതെ പഴുക്കാത്തതില്‍ ഗ്ലൂക്കോസും കുറവായിരിയ്ക്കും.

ക്യാരറ്റ്

ക്യാരറ്റ് തടി കുറയ്ക്കാന്‍ സഹായിക്കുന്ന മറ്റൊരു ഭക്ഷണ വസ്തുവാണ്. ഇതില്‍ കലോറി ഏറെ കുറവാണ്. ധാരാളം നാരുകളും ഇതില്‍ അടങ്ങിയിട്ടുണ്ട്. പ്രധാന ഭക്ഷണത്തിനൊപ്പം ഒരു ഗ്ലാസ് ക്യാരറ്റ് ജ്യൂസ് കൂടി കുടിയ്ക്കുന്നത് വിശപ്പ് പെട്ടെന്ന് കുറയ്ക്കും.അമിത ഭക്ഷണം ഒഴിവാക്കാന്‍ ഇത് സഹായിക്കും. മാത്രമല്ല, ഇത് ബൈല്‍ ഉല്‍പാദനത്തിന് സഹായിക്കും.ഇതിനാല്‍ ഇത് കൊഴുപ്പ് എരിയിച്ചു കളഞ്ഞ് തടി കുറയ്ക്കാന്‍ സഹായിക്കുകയും ചെയ്യുന്നു.

കുക്കുമ്പര്‍

തടി കുറയ്ക്കാന്‍ സാധിയ്ക്കുന്ന, സീറോ കലോറിയുള്ള ഒന്നാണ് കുക്കുമ്പര്‍ അഥവാ ചെറുവെള്ളരി. ഇത് സാലഡായി കഴിയ്ക്കാം,വേണമെങ്കില്‍ ജ്യൂസാക്കി കുടിയ്ക്കാം. ഇതെല്ലാം തടിയും വയറുമെല്ലാം കുറയ്ക്കാന്‍ സഹായിക്കും. വിശപ്പ് കുറയ്ക്കുന്നതും ഒപ്പം പോഷകം നല്‍കുന്നതും ധാരാളം നാരുകള്‍ അടങ്ങിയതുമാണ് ഇവ നല്‍കുന്ന ഗുണം.ഇവ പ്രധാന ഭക്ഷണത്തിനൊപ്പം സാലഡായോ മറ്റോ കഴിയ്ക്കുന്നത് ദഹനം എളുപ്പമാക്കും, ഭക്ഷണത്തിന്റെ അളവും കുറയ്ക്കും. വെള്ളത്താല്‍ സമ്പുഷ്ടമാണ് ഇത്.

ബീറ്റ്‌റൂട്ട്

ബീറ്റ്‌റൂട്ട് തടി കുറയ്ക്കാന്‍ സഹായിക്കുന്ന ഒന്നാണ്. പോഷക സമൃദ്ധമായ ഇത് നാരുകളാല്‍ സമ്പുഷ്ടമാണ്. ഫാറ്റും കലോറിയും ഇതില്‍ ഏറെ കുറവാണ്. അതേ സമയം ധാരാളം ജലാംശവുമുണ്ട്.ഇത് ജ്യൂസാക്കി കഴിയ്ക്കാം, വേവിച്ച് കഴിയ്ക്കാം. സാലഡ് രൂപത്തില്‍ കഴിയ്ക്കാം. ഇത് ജ്യൂസ് അടിച്ച് ഇതില്‍ പിങ്ക് ഹിമാലയന്‍ സാള്‍ട്ട്, നാരങ്ങാനീര് എന്നിവ ചേര്‍ത്ത് കുടിയ്ക്കുന്നത് തടി കുറയ്ക്കാന്‍ സഹായിക്കുന്ന ഒരു പാനീയമാണ്.